ຕາມ​ໜັງສືພິມ​​ເຢິນ​ມິນ​ຢື້​ປ້າວ:​ເຈົ້າ​ໜ້າ​ທີ່ກອງ​ປະຊຸມ​ຄະນະ​ກຳມະການ​ມູນ​ນິທິ​ທຳ​ມະ​ຊາດ​ແຫ່ງລັດຈີນ​ທີ່​ຈັດ​ຂຶ້ນ​ໃນ​ວັນ​ທີ27 ພຶ​ດສະພາ​ນີ້​​ແຈ້ງ​ໃຫ້​ຊາບວ່າ,ປີ​ນີ້, ງົບປະມານ​ການ​ເງິນ​ແຫ່ງ​ລັດຈີນ​ມີ​​ແຜນຈະລົງທຶນ​​ໃນ​ດ້ານມູນ​ນິທິ​ວິທະຍາສາດ5ຕື້359ລ້ານ​ຢວນ,​​ເພີ່ມ​ຂຶ້ນ​ຫຼາຍ​ກວ່າ​ປີ​ກາຍປະມານ25%​.

ອີງ​ຕາມ​ທ່ານ​ເຊິນ​ອີຢູ ຫົວໜ້າ​ມູນ​ນິທິ​ທຳ​ມະ​ຊາດ​ແຫ່ງ​ລັດ​ແຈ້ງ​ວ່າ,​ໃນ​ບໍ່​ເທົ່າ​ໃດ​ປີ​ມາ​ນີ້,ການ​ລົງທຶນ​ມູນ​ນິທິ​ວິທະຍາສາດ​ໄດ້​ເພີ່ມ​ຂຶ້ນ​ຢ່າງ​ໝັ້ນ​ທ່ຽງ,​​ໄດ້​ຈາກ2ຕື້​ຢວນໃນ​ປີ2003​​ເພີ່ມ​ຂຶ້ນເກືອບຮອດ4ຕື້300ລ້ານຢວນ​ໃນ​ປີ2007,ລວມທັງ​ໝົດເພີ່ມຂຶ້ນ​ໜຶ່ງ​ເທົ່າ,ສະ​ເລ່ຍ​ແລ້ວອັດຕາ​ເຕີບ​ໂຕ​ລື່ນ​ກາຍ20%​ຕໍ່​ປີ,​ເງື່ອນ​ໄຂຄົ້ນ​ຄວ້າ​ປະດິດ​ສ້າງກໍ​ໄດ້​ດັດ​ແປງ​ໃຫ້​ດີ​ຂຶ້ນ​ຕື່ມ.