|
|
 |
| (GMT+08:00)
2008-05-28 15:43:59
|
 |
|
ຈີນອາເມລິກາຈັດການສົນທະນາເລື່ອງສິດທິມະນຸດຄັ້ງທີ 14
cri
Author: mo
ຕາມຂ່າວສານຊີນຮວາ: ແຕ່ວັນທີ 24 ຫາວັນທີ 28 ພຶດສະພານີ້, ການສົນທະນາຈີນອາເມລິກາກ່ຽວກັບເລື່ອງສິດທິມະນຸດຄັ້ງທີ 14 ໄດ້ຈັດຂຶ້ນຢູ່ປັກກິ່ງ.
ນີ້ແມ່ນສອງຝ່າຍຈີນອາເມລິກາຈັດການສົນທະນາເທື່ອທຳອິດນັບແຕ່ປີ 2002 ມານີ້. ທ່ານຢາງເຈສື ລັດຖະມົນຕີວ່າການກະຊວງການຕ່າງປະເທດແລະທ່ານລີວເຈອີ່ ຜູ້ຊ່ວຍລັດຖະມົນຕີໄດ້ແຍກພົບປະແລະຈັດງານລ້ຽງຄະນະຜູ້ແທນອາເມລິກາ. ທ່ານອູຫາຍລົງ ຫົວໜ້າກົມສາກົນກະຊວງການຕ່າງປະເທດຈີນແລະທ່ານເດວິດ ເຈ ແຄຣມເມີ ຜູ້ຊ່ວຍລັດຖະມົນຕີການຕ່າງປະເທດອາເມລິກາທີ່ຮັບຜິດຊອບວຽກປະຊາທິໄຕ ສິດທິມະນຸດ ແລະແຮງງານອາເມລິກາໄດ້ເປັນຫົວໜ້າການສົນທະນາຂອງສອງຝ່າຍ.
ສອງຝ່າຍຕ່າງໄດ້ແນະນຳຄວາມຄືບໜ້າໃໝ່ຂອງຕົນໃນຂົງເຂດສິດທິມະນຸດ, ໄດ້ແລກປ່ຽນຄວາມເຫັນຢ່າງກວ້າງຂວາງແລະເລິກເຊິ່ງກ່ຽວກັບເສລິພາບດ້ານການປາກເວົ້າ ສາສະໜາ ຄັດຄ້ານການຈຳແນກເຊື້ອຊາດແລະບັນຫາອື່ນໆ. ສອງຝ່າຍເປັນເອກະສັນກັນເຫັນວ່າ, ການສົນທະນາຢ່າງກົງໄປກົງມາ, ເປີດກວ້າງແລະມີລັກສະນະສ້າງສັນ, ໄດ້ເພິ່ມຄວາມເຂົ້າໃຈກັນ, ມີຜົນດີຕໍ່ການຊຸກຍູ້ການພົວພັນຈີນອາເມລິກາໃຫ້ຂະຫຍາຍຕົວຢ່າງຕໍ່ເນື່ອງ ປອດໃສແລະໝັ້ນທ່ຽງ.
|
|
|
