|
|
 |
| (GMT+08:00)
2008-05-28 17:06:01
|
 |
|
ທ່ານລີວສີ ເລຂາຄະນະພັກນະຄອນປັກກິ່ງພົບປະທ່ານອູໂປສົງພ້ອມດ້ວຍຄະນະ
cri
Author: mo
ຕາມຂ່າວCRI：ຕອນເຊົ້າວັນທີ 28 ພຶດສະພານີ້, ຢູ່ທີ່ປັກກິ່ງ, ທ່ານລີວສີ ເລຂາຄະນະພັກນະຄອນປັກກິ່ງ ປະທານຄະນະຈັດງານກິລາໂອລິມປິກປັກກິ່ງໄດ້ພົບປະກັບຄະນະຢ້ຽມຢາມແຜ່ນດິນໃຫຍ່ຂອງພັກກົກມິນຕັງຈີນທີ່ນຳໂດຍທ່ານອູໂປສົງ ປະທານພັກກົກມີນຕັງຈີນ.
ທ່ານລີວສີກ່າວວ່າ, ໃນຫຼາຍປີມານີ້, ພີ່ນ້ອງຮ່ວມອຸທອນຈາກໄຕ້ຫວັນໄດ້ໃຫ້ການຊ່ວຍເຫຼືອແລະສະໜັບສະໜູນຢ່າງແຂງແຮງແກ່ວຽກງານກະກຽມຈັດງານກິລາໂອລິມປິກປັກກິ່ງ, ຍິນດີຕ້ອນຮັບພີ່ນ້ອງຮ່ວມອຸທອນຈາກໄຕ້ຫວັນມາຮ່ວມງານກິລາໂອລິມປິກຢ່າງຈິງໃຈ.
ທ່ານອູໂປສົງກ່າວວ່າ, ພັກກົກມິນຕັງຈະກຳໂອກາດໃໝ່ແຫ່ງການຂະຫຍາຍການພົວພັນສອງຝັ່ງຮ່ອມທະເລໃຫ້ດີ, ຊຸກຍູ້ການຂະຫຍາຍການພົວພັນສອງຝັ່ງຢ່າງຕັ້ງໜ້າແລະເພິ່ມທະວີການແລກປ່ຽນລະຫວ່າງປັກກິ່ງກັບໄຕ້ຫວັນ ຕາມຄວາມປາຖະໜາຮ່ວມທີ່ພັດທະນາສອງຝັ່ງໂດຍສັນຕິທີ່ຜູ້ນຳພັກກົກມິນຕັງກັບພັກກອມມູນິດຈີນພ້ອມກັນປະກາດ.
ຕອນເຊົ້າມື້ດຽວກັນ, ທ່ານອູໂປສົງພ້ອມດ້ວຍຄະນະໄດ້ໄປຢ້ຽມຢາມສະໜາມກິລາຮັງນົກ ເຊິ່ງເປັນສະໜາມກິລາຫຼັກແລະສະໜາມແຂ່ງຂັນເບັສບອນອູເຄີຊົງ. ທ່ານອູໂປສົງກ່າວວ່າ, ສະໜາມກິລາຮັງນົກແມ່ນສະໜາມກິລາທີ່ໃຫຍ່ໂຕມະໂມລານກວ່າໝູ່ທີ່ທ່ານເຄີຍເຫັນ, ທ່ານຕາງໜ້າພັກກົກມິນຕັງຈີນແລະພີ່ນ້ອງຮ່ວມອຸທອນໄຕ້ຫວັນອວຍພອນດ້ວຍຄວາມຈິງໃຈໃຫ້ງານກິລາໂອລິມປິກປັກກິ່ງຈົ່ງໄດ້ຮັບຜົນສຳເລັດຢ່າງສູງທີ່ສຸດ.
|
|
|
