|
|
 |
| (GMT+08:00)
2008-05-29 10:36:42
|
 |
|
ທ່ານອຸປາງໂກສືບຕໍ່ສຳຫລວດຢູ່ເຂດປະສົບໄພແຜ່ນດິນໄຫວ
cri
ຕາມຂ່າວສານຊີນຮວາ: ວັນທີ 28 ພຶດສະພານີ້ ທ່ານອູປາງໂກ ກຳມະການປະຈຳກົມການເມືອງສູນກາງພັກກອມມູນິດຈີນ ປະທານສະພາປະຊາຊົນແຫ່ງຊາດຈີນສືບຕໍ່ໄປສຳຫລວດສະພາບປະສົບໄພຢູ່ຕາແສງຮ້ານວ້າງຂອງເມືອງມຽນຈູ ຕາແສງຜິງທົ່ງຂອງເມືອງຜິງອູທີ່ປະສົບໄພຢ່າງຫນັກຫນ່ວງ.
ກຸ່ມໄຟຟ້າຕົ່ງຟ່າງແມ່ນວິສາຫະກິດຮັບຜະລິດເຄື່ອງຜະລິດໄຟຟ້າແລະຮັບເຫມົາກໍ່ສ້າງເຂື່ອນໄຟຟ້າໃຫຍ່ກວ່າຫມູ່ຂອງຈີນ,ໃນແຜ່ນດິນໄຫວຮ້າຍແຮງເທື່ອນີ້,ກຸ່ມນີ້ມີຄົນເສຍຊີວິດແລະບາດເຈັບຢ່າງຫລວງຫລາຍ, ຊັບສິນກໍ່ເສຍຫາຍຢ່າງໃຫຍ່ຫລວງ,ຕອນເຊົ້າວັນທີ 28 ພຶດສະພານີ້,ທ່ານອຸປາງໂກໄດ້ເດີນທາງໄປໂຮງງານຜະລິດຕວັກບິນຕົ່ງຟ່າງທີ່ຕາແສງຮ້ານວ້າງ,ຢື້ຢາມຖາມຂ່າວພະນັກງານກຳມະກອນພ້ອມກັບຄອບຄົວຂອງເຂົາເຈົ້າ, ທ່ານອູ ປາງໂກກ່າວວ່າ, ຫວັງວ່າເຂົາເຈົ້າຈະສາມາດປຸກລະດົມແລະຈັດວາງກຳລັງຂອງກຸ່ມຄືນໃຫມ່ເພື່ອເຮັດໃຫ້ກຸ່ມຕົ່ງຟ່າງຜ່ານຜ່າຄວາມຫຍຸ້ງຍາກໂດຍໄວ.
ຫລັງຈາກນັ້ນ, ທ່ານອຸປາງໂກໄດ້ໄປຢາມຜູ່ບາດເຈັບແລະແພດຫມໍໂຮງຫມໍເຄື່ອນທີ່ປະຊາຊົນເລກ 1 ຂອງເມືອງເຕີຢາງທີ່ເຮັດດ້ວຍຕູບຜ້າເຕັ້ນ.ຕອນບ່າຍ,ທ່ານອຸປາງໂກໄດ້ຂີ່ລົດຊົ່ວໂມງເຄິ່ງ,ໄປສຳຫລວດສະພາບຢູ່ຕາແສງຜິງທົ່ງຂອງເມືອງຜິງອູ.
ຕອນແລງ,ທ່ານໄດ້ຂີ່ລົດໄປຮອດສູນອົບຮົມບໍລິສັດຊາງຫົງທີ່ເມືອງມຽນຢາງ,ເພື່ອໄປຢາມຄູສອນແລະນັກຮຽນຂອງໂຮງຮຽນມັດທະຍົມໄປຊວນທີ່ຕັ້ງຫ້ອງຮຽນຊົ່ວຄາວຢູ່ແຫ່ງນີ້.ທ່ານເວົ້າຕໍ່ນັກຮຽນວ່າ, ໃນອະນາຄົດອີກບໍ່ດົນ, ຈະສ້າງໂຮງຮຽນມັດທະຍົມໄປຊວນທີ່ທັນສະໄຫມກວ່າເກົ່າຂຶ້ນ,ເພື່ອສ້າງເງື່ອນໄຂການຮຽນທີ່ດີກວ່າເກົ່າໃຫ້ແກ່ນັກຮຽນທັງຫລາຍ.
|
|
|
