|
|
 |
| (GMT+08:00)
2008-05-29 17:21:23
|
 |
|
ປັກກິ່ງຈັດເວທີປາໄສສາກົນກ່ຽວກັບງານກິລາໂອລິມປິກຄົນພິການ
cri
Author: mo
ຕາມຂ່າວCRI：ວັນທີ 29 ພຶດສະພານີ້, ເວທີປາໄສສາກົນກ່ຽວກັບງານກິລາໂອລິມປິກຄົນພິການປັກກິ່ງ2008ໄດ້ຈັດຂຶ້ນຢູ່ປັກກິ່ງ.
ເວທີປາໄສດັ່ງກ່າວແມ່ນກິດຈະກຳນັບເວລາຖອຍຫຼັງ 100 ມື້ຮອດງານກິລາໂອລິມປິກຄົນພິການປັກກິ່ງ. ນາງທ່າງສຽວສວນ ຮອງປະທານບໍລິຫານງານຂອງຄະນະຈັດງານກິລາໂອລິມປິກປັກກິ່ງກ່າວຄຳປາໄສວ່າ, ເວທີປາໄສຈະສະຫຼຸບຜົນງານຂອງການກະກຽມໄລຍະຕົ້ນຂອງງານກິລາໂອລິມປິກຄົນພິການປັກກິ່ງ, ແລກປ່ຽນແລະຖອດຖອນບົດຮຽນທີ່ກ້າວໜ້າໃນໂລກ, ແລະຮຽກຮ້ອງໃຫ້ຄົນຫຼາຍກວ່າເກົ່າເອົາໃຈໃສ່ນຳຄົນພິການຂອງຈີນແລະຂອງທົ່ວໂລກ.
ທ່ານມາກີ ອາມັດ ນັກການທູດຂອງຝຣັ່ງ ຜູ້ປະກົດເຫັນ"ຖະແຫຼງການໂອລິມປິກ"ກ່າວວ່າ, ຢູ່ຈີນ, ທ່ານຮູ້ສຶກວ່ານໍ້າໃຈຂອງຖະແຫຼງການໂອລິມປິກໄດ້ຮັບການເຜີຍແຜ່ແລະປະຕິບັດດີຫຼາຍ, ການກູ້ໄພຂອງຈີນໃນໄລຍະມໍ່ໆນີ້ຍິ່ງເຮັດໃຫ້ທ່ານໄດ້ເຫັນຄວາມກ້າຫານຂອງຄົນຈີນ, ທ່ານຄອງຄອຍປັກກິ່ງຈັດງານກິລາໂອລິມປິກຄົນພິການຢ່າງສຳເລັດຜົນ.
|
|
|
