|
ທັນຍາຫານລະດູຮ້ອນຂອງຈີນຄາດວ່າຈະເກັບກ່ຽວໄດ້ອຸດົມສົມບູນ
cri
Author: mo
ຕາມຂ່າວຈາກໜັງສືພິມເຢິນມີນຢື້ປ້າວ: ວັນທີ 28 ພຶດສະພານີ້, ກະຊວງກະສິກຳຈີນແຈ້ງໃຫ້ຊາບວ່າ, ປັດຈຸບັນ, ເຂົ້າເບຼຂອງຈີນເຕີບໃຫຍ່ງານດີຫຼາຍ, ທັນຍາຫານໃນລະດູຮ້ອນຂອງຈີນປີນີ້ຄາດວ່າຈະເກັບກ່ຽວໄດ້ອຸດົມສົມບູນ.
ຜູ້ຮັບຜິດຊອບທີ່ກ່ຽວຂ້ອງຂອງກະຊວງກະສິກຳຈີນແຈ້ງວ່າ, ໄລຍະມໍ່ໆນີ້, ຖ້າບໍ່ມີໄພທຳມະຊາດແບບຜິດປົກກະຕິ, ທັນຍາຫານໃນລະດູຮ້ອນຂອງຈີນຈະໄດ້ຜົນຜະລິດສູງທີ່ສຸດໃນປະຫວັດສາດ, ຍອດຜົນຜະລິດຈະສູງຂຶ້ນ 5 ປີລຽນຕິດເປັນຄັ້ງທຳອິດນັບແຕ່ສ້າງຕັ້ງປະເທດຈີນໃໝ່ມານີ້.
ນອກນີ້, ພືດນ້ຳມັນທີ່ຈະເກັບກ່ຽວໃນລະດູຮ້ອນຂອງຈີນ ເຖິງວ່າໄດ້ປະສົບໄພຫິມະຕົກແຮງກໍ່ຕາມ ແຕ່ຍັງຈະມີຜົນເກັບກ່ຽວໄດ້ດີ, ໄດ້ປ່ຽນແປງສະພາບທີ່ຜົນຜະລິດຫຼຸດລົງໃນ 3 ປີຜ່ານມາ.
ປີ 2007, ຍອດຜົນຜະລິດທັນຍາຫານຂອງຈີນມີເຖິງ 500 ລ້ານໂຕນ, ນັບແຕ່ປີ 1985 ມານີ້, ຖືວ່າເທື່ອນີ້ເປັນເທື່ອທຳອິດທີ່ໄດ້ຜົນຜະລິດສູງ 4 ປີລຽນຕິດ.
|
|
