|
|
 |
| (GMT+08:00)
2008-05-29 17:36:42
|
 |
|
ລະດັບໃຊ້ກົນຈັກກະສິກຳຂອງຈີນສູງຂຶ້ນຢ່າງວ່ອງໄວ
cri
Author: mo
ຕາມຂ່າວສານຊີນຮວາ: ປັດຈຸບັນ, ການນຳໃຊ້ເຄື່ອງຈັກກະສິກຳໄດ້ກາຍເປັນຊ່ອງທາງສຳຄັນທີ່ເຮັດໃຫ້ຊາວກະສິກອນຈີນມີລາຍໄດ້ເພີ່ມຂຶ້ນ. ລະດັບຫັນໃຊ້ກົນຈັກກະສິກຳໄດ້ຍົກສູງຂຶ້ນຢ່າງວ່ອງໄວ, ບາດກ້າວກະສິກຳຫັນເປັນທັນສະໄໝກໍ່ເລັ່ງລັດໄວເຂົ້າ. ຜົນດີຂອງການໃຊ້ເຄື່ອງຈັກກະສິກຳແມ່ນສາມາດຍົກຜົນຜະລິດ, ປະສິດທິພາບການອອກແຮງງານແລະອັດຕານຳໃຊ້ຊັບພະຍາກອນໃຫ້ສູງຂຶ້ນຢ່າງຫຼວງຫຼາຍ, ປົດປ່ອຍຊາວກະສິກອນອອກຈາກການອອກແຮງງານດ້ວຍຕີນມືແລະວິທີການຜະລິດກະສິກຳອັນເກົ່າແກ່ຫຼ້າຫຼັງ.
ປັດຈຸບັນ, ໜ່ວຍງານບໍລິການດ້ານເຄື່ອງຈັກກະສິກຳປະເພດຕ່າງໆແລະຄອບຄົວທີ່ໃຊ້ເຄື່ອງຈັກກະສິກຳຂອງຈີນມີ 36 ລ້ານ 5 ແສນແຫ່ງ. ໜ່ວຍງານບໍລິການເຄື່ອງຈັກແບບໃໝ່ເຊັ່ນສະຫະກອນຮ່ວມມືເຄື່ອງຈັກກະສິກຳໄດ້ພັດທະນາເຕີບໂຕຢ່າງບໍ່ຢຸດຢັ້ງ, ຕະຫຼາດຈຳໜ່າຍ ຜະລິດ ແລະສ້ອມແປງເຄື່ອງຈັກກະສິກຳນັບມື້ນັບຈະເລີນ.
ນັບມາຮອດທ້າຍປີ 2007, ລະດັບໃຊ້ເຄື່ອງຈັກຜະລິດກະສິກຳສັງລວມຂອງຈີນໄດ້ບັນລຸເຖິງ 41%, ແຮງງານໃນຂະແໜງກະສິກຳທີ່ກວມຜູ້ເຮັດວຽກໃນທົ່ວສັງຄົມໄດ້ຫຼຸດລົງເຫຼືອປະມານ 38%.
|
|
|
