|
|
 |
| (GMT+08:00)
2008-05-29 19:02:00
|
 |
|
ຈີນຫວັງໃຫ້ການເຈລະຈາ6ຝ່າຍໄດ້ຮັບຜົນຢ່າງບໍ່ຢຸດຢັ້ງ
cri
Author: d
ຕາມຂ່າວCRI: ວັນທີ28ພຶດສະພານີ້ ຫົວໜ້າຄະນະຜູ່ແທນຂອງອາເມລິກາ ສ.ເກົາຫຼີ ສປປເກົາຫຼີແລະຍິ່ປຸ່ນທີ່ເຂົ້າຮ່ວມການເຈລະຈາ6ຝ່າຍກ່ຽວກັບບັນຫານິວເຄຼຍແຫຼມເກົາຫຼີເລີ່ມຈັດການພົບປະສອງຝ່າຍຢູ່ປັກກິ່ງ,ວັນທີ29ພຶດສະພານີ້ ຢູ່ປັກກິ່ງ ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ, ຈີນຫວັງໃຫ້ການແລກປ່ຽນຢ່າງຕັ້ງໜ້າລະຫວ່າງຝ່າຍຕ່າງໆສາມາດຊຸກຍູ້ໃຫ້ການເຈລະຈາໃຫ້ໄດ້ຮັບຜົນຢ່າງບໍ່ຢຸດຢັ້ງ.
ທ່ານຊິນກ່າງແມ່ນໃຫ້ທັດສະນະດັ່ງກ່າວໃນເວລາຕອບຄຳຖາມຂອງນັກຂ່າວໃນງານຖະແຫຼງຂ່າວຂອງກະຊວງການຕ່າງປະເທດຈີນທີ່ຈັດຂຶ້ນໃນມື້ດຽວກັນ.ທ່ານກ່າວວ່າ,ໃນສອງມື້ມານີ້ ທ່ານອູຕ້າເຫວີຍ ລັດຖະມົນຕີຊ່ວຍວ່າການກະຊວງການຕ່າງປະເທດ ຫົວໜ້າຄະນະຜູ່ແທນຈີນຂອງການເຈລະຈາ6ຝ່າຍໄດ້ແຍກອອກພົບປະກັບຫົວໜ້າຄະນະຂອງອາເມລິກາ ສປປເກົາຫຼີແລະຍິ່ປຸ່ນ,ແລະຈະພົບປະຫົວໜ້າຄະນະສ.ເກົາຫຼີໃນວັນທີ30ພຶດສະພາ.ນອກນີ້,ລະຫວ່າງອາເມລິກາກັບສປປເກົາຫຼີ ສປປເກົາຫຼີກັບສ.ເກົາຫຼີ ອາເມລິກາກັບຍິ່ປຸ່ນກໍ່ໄດ້ຫຼືໃກ້ຈະຈັດການປຶກສາຫາລືແລະການແລກປ່ຽນກັນ.
|
|
|
