|
|
 |
| (GMT+08:00)
2008-05-29 19:11:32
|
 |
|
ຫາງສຽງຮົງກົງມາກາວໄຕ້ຫວັນ:ການພົວພັນລະຫວ່າງສອງຝັ່ງຈະໄດ້ຮັບຄວາມຄືບໜ້າທີ່ມີລັກສະນະທາດແທ້
cri
Author: d
ຕາມຂ່າວສານຊິນຮວາ:ວັນທີ29ພຶດສະພານີ້ ຫາງສຽງຂອງຮົງກົງມາກາວແລະໄຕ້ຫວັນຊີ້ອອກວ່າ,ການເຈລະຈາລະຫວ່າງທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນກັບທ່ານອູໂປຊົງ ປະທານພັກກົກມິນຕັງຈີນ ຈະຊຸກຍູ້ໃຫ້ການພົວພັນລະຫວ່າງສອງຝັ່ງຊ່ອງແຄບໄດ້ຮັບຄວາມຄືບໜ້າທີ່ມີລັກສະນະທາດແທ້.
ໜັງສືພິມໂຈ່ງໂກສືປ້າວຂອງໄຕ້ຫວັນເຫັນວ່າ,ປັກກິ່ງແມ່ນປະຕິບັດຕໍ່ບັນຫາແລກປ່ຽນແລະການຮ່ວມມືທາງເສດຖະກິດທີ່ຕ່າງຝ່າຍຕ່າງມີຜົນຢ່າງຕິດແທດຕົວຈິງ,ກໍ່ມີຄວາມປາຖະໜາສູງທີ່ຢາກໃຫ້ບູລິມະສິດແກ່ໄຕ້ຫວັນ,ປະຈຸບັນ ຂໍແຕ່ວ່າຟື້ນຟູການເຈລະຈາລະຫວ່າງສອງຝັ່ງ,ເຊັນສັນຍາກັນ,ກໍ່ຈະເລີ່ມເປີດປະຕູແລ້ວ.
ໜັງສືພິມເວີນຮຸ້ຍປ້າວຂອງຮົງກົງເຫັນວ່າ,ຄວາມໝາຍຂອງການເຈລະຈາລະຫວ່າງທ່ານຫູຈິນທາວກັບທ່ານອູໂປຊົງແມ່ນຢູ່ບ່ອນວ່າ,ສອງຝ່າຍລ້ວນແຕ່ຄັດຄ້ານ"ໄຕ້ຫວັນເປັນເອກະລາດ",ສະໜັບສະໜູນ"ຄວາມຮັບຮູ້ຄືກັນປີ1992",ມີຫຼັກໝັ້ນເປັນເອກະສັນກັນໃນບັນຫາແກນກາງ,ນີ້ໄດ້ສ້າງພື້ນຖານກົກຮາກໃຫ້ແກ່ການສ້າງຄວາມໄວ້ເນື້ອເຊື່ອໃຈກັນລະຫວ່າງສອງຝ່າຍ.
ໜັງສືພິມອ້າວເມີນຢື້ປ້າວພິມບົດນຳຊີ້ອອກວ່າ,ສອງຝັ່ງແຍກກັນເກືອບ60ປີແລະຄວາມຄົດລ້ຽວໃນ8ປີມານີ້,ເຮັດໃຫ້ສອງພັກແລະສອງຝັ່ງຕ້ອງການແກ້ໄຂຫຼາຍບັນຫາ.ຂໍແຕ່ວ່າສອງຝ່າຍໃຊ້ສະຕິປັນຍາມາຢຸດຕິຄວາມຂັດແຍ່ງກັນໄວ້ກ່ອນ,ຜ່ານການຕອບຮັບດ້ວຍເຈຕະນາດີດ້ວຍດີ,ສະສົມຄວາມໄວ້ເນື້ອເຊື່ອໃຈກັນ,ເຊື່ອວ່າ ການພົວພັນລະຫວ່າງສອງຝັ່ງຂະຫຍາຍຕົວໂດຍສັນຕິແລະມີສະຖຽນລະພາບນັ້ນແມ່ນສາມາດເບິ່ງໄປໃນອະນາຄົດໄດ້.
|
|
|
