|
|
 |
| (GMT+08:00)
2008-05-29 20:22:52
|
 |
|
ຈີນຈະເພີ່ມທະວີການຕິດຕາມຄຸ້ມຄອງເງິນແລະເຄື່ອງຊ່ວຍເຫຼືອກູ້ໄພແຜ່ນດິນໄຫວຢ່າງຕິດແທດຕົວຈິງ
cri
Author: d
ຕາມຂ່າວໜັງສືພິມເຢິນມິນຢື້ປ້າວ: ກອງປະຊຸມລາຍງານວຽກງານຕິດຕາມຄຸ້ມຄອງເງິນແລະເຄື່ອງຊ່ວຍເຫຼືອກູ້ໄພແຜ່ນດິນໄຫວໄດ້ຈັດຂຶ້ນຢູ່ປັກກິ່ງໃນວັນທີ28ພຶດສະພານີ້,ໃນກອງປະຊຸມ ທ່ານເຮີ້ກົວະຊຽງ ກຳມະການປະຈຳກົມການເມືອງສູນກາງພັກກອມມູນິດຈີນ ເລຂາຄະນະກຳມະການກວດກາສູນກາງພັກກ່າວເນັ້ນວ່າ,ຕ້ອງເພີ່ມທະວີການຕິດຕາມຄຸ້ມຄອງເງິນແລະເຄື່ອງຊ່ວຍເຫຼືອກູ້ໄພຢ່າງຕິດແທດຕົວຈິງ,ຮັບປະກັນໃຫ້ໃຊ້ເງິນແລະເຄື່ອງຊ່ວຍເຫຼືອເພື່ອເຂດປະສົບໄພແລະຜູ່ປະສົບໄພຢ່າງແທ້ຈິງ.
ທ່ານເຮີ້ກົວະຊຽງຊີ້ອອກວ່າ,ຕ້ອງສ້າງຕັ້ງໜ່ວຍນຳພາຕິດຕາມກວດກາເງິນແລະເຄື່ອງຊ່ວຍເຫຼືອກູ້ໄພ,ເພີ່ມທະວີການຈັດຕັ້ງນຳພາຢ່າງຕິດແທດຕົວຈິງ.ດຳເນີນການກວດກາບັນຊາພິເສດ,ຮັບປະກັນໃຫ້ເບີກແລະນຳໃຊ້ເງິນແລະເຄື່ອງຊ່ວຍເຫຼືອກູ້ໄພຢ່າງທັນການແລະມີປະສິດທິຜົນ.ຕ້ອງປະຕິບັດລະບຽບວິໄນຢ່າງເຄັ່ງຄັດ,ລົງໂທດການລະເມີດລະບຽບວິໄນແລະກົດໝາຍໃນການຄຸ້ມຄອງແລະນຳໃຊ້ເງິນແລະເຄື່ອງຊ່ວຍເຫຼືອກູ້ໄພຢ່າງວ່ອງໄວ ເຄັ່ງຄັດແລະເຂັ້ມງວດ.ຕໍ່ຜູ່ລະເລີຍໜ້າທີ່ແລະກົດໜ່ວງວຽກງານ,ກໍ່ຕ້ອງສືບຫາຄວາມຮັບຜິດຊອບຂອງຜູ່ ກ່ຽວຢ່າງເຂັ້ມງວດ.
|
|
|
