|
ທ່ານອູປາງໂກກ່າວເນັ້ນວ່າ, ວຽກງານກູ້ໄພແຜ່ນດິນໄຫວຕ້ອງຍຶດ ຫມັ້ນຖືຄົນເປັນຫລັກ
cri
ຂ່າວຈາກຫນັງສືພິມເຢີນມີນຢື້ປ້າວ:ຫວ່າງມໍ່ໆນີ້ ໃນເວລາສຳຫລວດຢູ່ເຂດປະສົບໄພແຜ່ນດິນໄຫວຢູ່ແຂວງເສສວນ,ທ່ານອູປາງໂກ ປະທານຄະນະປະຈຳສະພາຜູ່ແທນປະຊາຊົນແຫ່ງຊາດຈີນກ່າວວ່າ, ວຽກງານກູ້ໄພຕ້ອງຍຶດຫມັ້ນຖືຄົນເປັນຫລັກ.
ແຕ່ວັນທີ 26 ຫາວັນທີ 28 ພຶດສະພານີ້,ທ່ານອຸປາງໂກໄດ້ໄປສຳຫລວດສະພາບປະສົບໄພຢູ່ເສສວນ,ແລະໄດ້ຢື້ຢາມຖາມຂ່າວປະຊາຊົນຜູ່ປະສົບໄພແລະພະນັກງານກູ້ໄພ,ຊີ້ນຳວຽກງານກູ້ໄພ.ທ່ານຮຽກຮ້ອງພາກສ່ວນທີ່ກ່ຽວຂ້ອງຕ້ອງສ້າງລະບົບປ້ອງກັນພະຍາດລະບາດຢູ່ໃນທົ່ວເຂດປະສົບໄພ,ສ້າງລະບົບຕິດຕາມລາຍງານສະພາບພະຍາດ,ຕ້ອງປ້ອງກັນບໍ່ໃຫ້ເກີດໄພພິບັດຊ້ຳຂຶ້ນອີກ,ໂດຍສະເພາະຕ້ອງກວດກາແລະກຳຈັດຄວາມອັນຕະລາຍຂອງເວີງນ້ຳຫົ້ງແລະອ່າງນ້ຳທີ່ຖືກແຕກຍະ,ວາງແຜນຮັບມືສຸກເສີນຕ່າງໆໄວ້.ພ້ອມກັນນັ້ນຕ້ອງໃຊ້ມາດຕະການທີ່ບັງເກີດຜົນແກ້ໄຂບັນຫາບ່ອນຢູ່ຊົ່ວຄາວ.ທ່ານອຸປາງໂກຍັງກ່າວເນັ້ນເປັນພິເສດວ່າ, ຕ້ອງເພີ່ມທະວີການຄຸ້ມຄອງແລະກວດກາບັນຊີເງິນແລະເຄື່ອງຂອງຊ່ວຍເຫລືອ.ຕ້ອງເຮັດຕາມລະບຽບການຄຸ້ມຄອງຢ່າງເຄັ່ງຄັດ, ເພີ່ມຄວາມໂປ່ງໃສ,ປ້ອງກັນບໍ່ໃຫ້ມີການຍັກຍອກຫລືຍຶດເອົາແລະແບ່ງປັນເງິນແລະເຄື່ອງຂອງກູ້ໄພ.
|
|
