|
ປະທານຄະນະກຳມະການຕິດຕາມຄຸ້ມຄອງການປະກັນໄພຂອງຈີນຮຽກຮ້ອງໃຫ້ຈ່າຍຄ່າປະກັນໄພທີ່ເຫມາະສົມໃນການກູ້ໄພແຜ່ນດິນໄຫວ
cri
ຕາມຂ່າວສານຊີນຮວາ:ຫລັງຈາກໄພແຜ່ນດິນໄຫວ,ໃນໄລຍະນີ້ແມ່ນຍາມທີ່ຕ້ອງເລີ່ມຈ່າຍຄ່າປະກັນໄພແລ້ວ,ຢູ່ເຂດເກີດແຜ່ນດິນໄຫວຂອງເສສວນ, ທ່ານອຸຕິ້ງຟູ້ ປະທານຄະນະກຳມະການຕິດຕາມຄຸ້ມຄອງການປະກັນໄພຂອງຈີນກ່າວວ່າ, ບໍລິສັດປະກັນໄພຕ້ອງປະຕິບັດຕາມສັນຍາ,ຖືຄວາມຫນ້າເຊື່ອຖືຈ່າຍຄ່າປະກັນໄພຕາມຫນ້າທີ່ໃນສັນຍາປະກັນໄພ.
ວັນທີ 29 ພຶດສະພາ ທ່ານອຸຕິ້ງຟູ້ໄດ້ຮຽກໂຮມຜູ່ຮັບຜິດຊອບຂອງບໍລິສັດປະກັນໄພທີ່ກ່ຽວຂ້ອງ, ວາງນະໂຍບາຍແລະມາດຕະການກ່ຽວກັບການຈ່າຍຄ່າປະກັນໄພ.ສຳລັບຜູ່ປະກັນໄພທີ່ເສຍຊີວິດຫມົດຄອບຄົວ ນັ້ນ,ບໍລິສັດປະກັນໄພຕ້ອງເປັນເຈົ້າການຊອກຫາຜູ່ຮັບຜົນປະໂຫຍດ, ຈົນຮອດຊອກພົບຜູ່ມີສິດຮັບຜົນປະໂຫຍດຈາກສັນຍາປະກັນໄພແລະຈ່າຍຄ່າປະກັນໄພໃຫ້.ສຳລັບຜູ່ທີ່ໃບປະກັນໄພຖືກໄຫມ້ເສຍຫລືຖືກທຳລາຍໃນແຜ່ນດິນໄຫວ, ຖ້າຂໍ້ມູນພື້ນຖານທີ່ຜູ່ປະກັນໄພສະຫນີມານັ້ນສອດຄ່ອງກັບຂໍ້ມູນຂອງບໍລິສັດປະກັນໄພແລ້ວ, ບໍລິສັດກໍ່ຄວນຊຳລະໃຫ້.ສຳລັບການປະກັນໄພກະສິກຳລັກສະນະນະໂຍບາຍທີ່ກ່ຽວພັນກັບການຟື້ນຟູການຜະລິດແລະຊີວິດການເປັນຢູ່ຂອງປະຊາຊົນຜູ່ປະສົບໄພຢູ່ຊົນນະບົດ, ຕ້ອງສົ່ງຄ່າທົດແທນໄປໃຫ້ປະຊາຊົນຢູ່ເຂດປະສົບໄພຄົບຕາມຈຳນວນໂດຍໄວ
|
|
