|
|
 |
| (GMT+08:00)
2008-05-30 20:49:00
|
 |
|
ທ່ານຫູຈິນທາວເຈລະຈາກັບເລຂາທິການໃຫຍ່ສູນກາງພັກກອມມູນິດຫວຽດນາມ
cri
ຕາມຂ່າວCRI,ວັນທີ30ພຶດສະພານີ້,ຢູ່ທີ່ປັກກິ່ງ,ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນໄດ້ພົບປະເຈລະຈາກັບທ່ານນົງດຶກແມັງເລຂາທິການໃຫຍ່ສູນກາງພັກກອມມູນິດຫວຽດນາມທີ່ມາຢ້ຽມຢາມ.
ທ່ານຫູຈິນທາວຂອບອົກຂອບໃຈນຳພັກ ລັດແລະປະຊາຊົນຫວຽດນາມທີ່ເດັດດ່ຽວສະໜັບສະໜູນພາລະກິດອັນຍິ່ງໃຫຍ່ແຫ່ງການໂຮມປະເທດເຂົ້າເປັນເອກະພາບຂອງຈີນ,ເດັດດ່ຽວຄັດຄ້ານການແຍກໄຕ້ຫວັນອອກຈາກຈີນໃຫ້ເປັນເອກະລາດ,ແລະໃຫ້ການສະໜັບສະໜູນອັນລ້ຳຄ່າແກ່ຈີນພາຍຫຼັງແຂວງເສສວນເກີດແຜ່ນດິນໄຫວຢ່າງຮ້າຍແຮງ.ທ່ານຫູຈິນທາວກ່າວວ່າ,ສອງຝ່າຍຄວນທຳຄວາມພະຍາຍາມຮ່ວມກັນ,ສືບຕໍ່ເພີ່ມທະວີການຮ່ວມມືໃນຂົງເຂດຕ່າງໆເຊັ່ນວັດທະນະທຳ ການສຶກສາ ວິທະຍາສາດເຕັກໂນໂລຊີ ກະສິກຳແລະອື່ນໆແລະການແລກປ່ຽນລະຫວ່າງຊາວໜຸ່ມເຍົາວະຊົນ,ແລະແກ້ໄຂບັນຫາໃນການພົວພັນລະຫວ່າງສອງປະເທດຢ່າງເໝາະສົມ,ສືບຕໍ່ເພີ່ມທະວີການປຶກສາຫາລືແລະປະສານງານກັນໃນວຽກງານສາກົນແລະພາກພື້ນ,ປົກປັກຮັກສາແລະຊຸກຍູ້ສັນຕິພາບແລະການພັດທະນາຂອງພາກພື້ນແຫ່ງນີ້ກໍຄືຂອງໂລກ.
ທ່ານນົງດຶກແມັງຕາງໜ້າຫວຽດນາມສະແດງຄວາມເຫັນໃຈຢ່າງຈິງໃຈຕໍ່ສະພາບປະສົບໄພແຜ່ນດິນໄຫວແຂວງເສສວນ,ແລະສະໜອງເຄື່ອງຊ່ວຍເຫຼືອເຊັ່ນຢາປິ່ນປົວທີ່ມີມູນຄ່າອີກ2ແສນໂດລາໃຫ້ແກ່ຈີນ.ທ່ານຍັງໄດ້ກ່າວຢ້ຳຫຼັກໝັ້ນຕະຫຼອດມາຂອງຫວຽດນາມທີ່ຄັດຄ້ານການແຍກໄຕ້ຫວັນອອກຈາກຈີນໃຫ້ເປັນເອກະລາດບໍ່ວ່າໃຊ້ຮູບການໃດໆ,ແລະ ອວຍພອນໃຫ້ງານກິລາໂອລິມປິກປັກກິ່ງຈົ່ງໄດ້ຮັບຜົນສຳເລັດຢ່າງເຕັມເມັດເຕັມໜ່ວຍ.
|
|
|
