|
|
 |
| (GMT+08:00)
2008-05-31 16:46:18
|
 |
|
ຈີນຈະເດີນຕາມເສັ້ນທາງພັດທະນາໂດຍສັນຕິຢ່າງສະເໝີຕົ້ນສະເໝີປາຍ
cri
Author: d
ຕາມຂ່າວCRI: ວັນທີ31ພຶດສະພານີ້ ໃນກອງປະຊຸມຄວາມໝັ້ນຄົງອາຊີຄັ້ງທີ7ທີ່ຈັດຂຶ້ນຢູ່ສິງກະໂປ ພົນໂທທະຫານອາກາດໝ້າສຽວທ່ຽນ ຮອງເສນາທິການສູງສຸດກອງທັບປົດປ່ອຍປະຊາຊົນຈີນກ່າວວ່າ, ຈີນຈະເດີນຕາມເສັ້ນທາງພັດທະນາໂດຍສັນຕິຢ່າງສະເໝີຕົ້ນສະເໝີປາຍ,ປະຕິບັດນະໂຍບາຍປ້ອງກັນປະເທດແບບທ່າຮັບ.ທ່ານໝ້າສຽວທ່ຽນເວົ້າວ່າ:
"ນີ້ແມ່ນການເລືອກເຟັ້ນທາງຍຸດທະສາດຂອງລັດຖະບານແລະປະຊາຊົນຈີນໂດຍອີງຕາມກະແສພັດທະນາຂອງຍຸກສະໄໝແລະຜົນປະໂຫຍດພື້ນຖານຂອງຕົນເອງ,ນີ້ກໍ່ແມ່ນຄຳໝັ້ນສັນຍາອັນເຄັ່ງຂືມຂອງພວກຂ້າພະເຈົ້າຕໍ່ປະຊາຄົມໂລກ."
ທ່ານໝ້າສຽວທ່ຽນກ່າວວ່າ,ການເພີ່ມທະວີການກໍ່ສ້າງການປ້ອງກັນປະເທດແມ່ນການຮັບປະກັນອັນພື້ນຖານໃນການປົກປັກຮັກສາອະທິປະໄຕແຫ່ງຊາດແລະຜືນແຜ່ນດິນອັນຄົບຖ້ວນ,ແມ່ນຄວາມຕ້ອງການທາງພາວະວິໄສທີ່ສອດຄ່ອງກັບທ່າອ່ຽງໃໝ່ແຫ່ງການພັດທະນາທາງການທະຫານຂອງໂລກ.ທ່ານຊີ້ອອກວ່າ:
"ການກໍ່ສ້າງປ້ອງກັນປະເທດແລະການສ້າງສາເສດຖະກິດຂອງຈີນແມ່ນກົມກຽວກັນ.ບໍ່ວ່າໃນໂລກນີ້ຈະມີການປ່ຽນແປງແນວໃດ,ຈີນກໍ່ຈະບໍ່ຂົ່ມຂູ່ປະເທດໃດໆທາງການທະຫານ,ບໍ່ເປັນເຈົ້າອຳນາດຈົນເທົ່າໃດໆ,ແລະບໍ່ແຜ່ອຳນາດຈົນເທົ່າໃດໆ."
ທ່ານໝ້າສຽວທ່ຽນຍັງກ່າວວ່າ,ກອງທັບຈີນຍິນດີເພີ່ມທະວີການແລກປ່ຽນທາງການທະຫານກັບປະເທດຕ່າງໆໃນອາຊີປາຊິຟິກຕື່ມອີກ,ພ້ອມກັນປົກປັກຮັກສາສັນຕິພາບແລະສະຖຽນລະພາບຂອງພາກພື້ນນີ້.
|
|
|
