|
|
 |
| (GMT+08:00)
2008-06-01 19:38:50
|
 |
|
ທ່ານເຈຍຊິ້ງລິນພົບປະກັບທ່ານນົງດຶກແມັງ
cri
ຕາມຂ່າວ CRI,ວັນທີ1ມິຖຸນານີ້,ຢູ່ທີ່ປັກກິ່ງ,ທ່ານເຈຍຊິ້ງລິນ ກຳມະການປະຈຳກົມການເມືອງສູນກາງພັກກອມມູນິດຈີນ ປະທານສະພາປຶກສາການເມືອງປະຊາຊົນແຫ່ງຊາດຈີນກ່າວວ່າ,ຫວັງໃຫ້ສະພາປຶກສາການເມືອງປະຊາຊົນແຫ່ງຊາດຈີນກັບແນວໂຮມປະເທດຊາດຫວຽດນາມສືບຕໍ່ເພີ່ມທະວີການໄປມາຫາສູ່ກັນ,ເປີດກວ້າງການຮ່ວມມື,ປະກອບສ່ວນອັນໃໝ່ເພື່ອຊຸກຍູ້ການພົວພັນຈີນຫວຽດນາມໃຫ້ຂະຫຍາຍຕົວຢ່າງບໍ່ຢຸດຢັ້ງ.
ໃນເວລາພົບປະກັບທ່ານນົງດຶກແມັງເລຂາທິການໃຫຍ່ສູນກາງພັກກອມມູນິດຫວຽດນາມທີ່ມາຢ້ຽມຢາມ,ທ່ານເຈຍຊິ້ງລິນກ່າວວ່າ,ຫວ່າງມໍ່ໆນີ້,ທ່ານຫູຈິນທາວເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນກັບທ່ານນົງດຶກແມັງ ເລຂາທິການໃຫຍ່ສູນກາງພັກກອມມູນິດຫວຽດນາມໄດ້ບັນລຸຄວາມເຫັນທີ່ເປັນເອກະສັນກັນກ່ຽວກັບການຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນຫວຽດນາມ,ນີ້ເປັນຂີດໝາຍສະແດງໃຫ້ເຫັນວ່າມິດຕະພາບອັນເປັນມູນເຊື້ອລະຫວ່າງຈີນຫວຽດນາມໄດ້ເຂົ້າສູ່ໄລຍະພັດທະນາອັນໃໝ່.
ທ່ານເຈຍຊິ້ງລິນຍັງໄດ້ແນະນຳສະພາບໄພແຜ່ນດິນໄຫວທີ່ເກີດຂຶ້ນຢູ່ແຂວງເສສວນແລະວຽກງານກູ້ໄພແຜ່ນດິນໄຫວແລະການສ້າງສາຄືນໃໝ່ຫຼັງໄພແຜ່ນດິນໄຫວຂອງຈີນ,ແລະຂອບໃຈນຳຝ່າຍຫວຽດນາມທີ່ໄດ້ຢື້ຢາມຖາມຂ່າວແລະສະໜອງການສະໜັບສະໜູນ.
ທ່ານນົງດຶກແມັງກ່າວວ່າ,ຈະສືບຕໍ່ສະໜັບສະໜູນແນວໂຮມປະເທດຊາດຫວຽດນາມເພີ່ມທະວີການແລກປ່ຽນແລະການຮ່ວມມືກັບສະພາປຶກສາການເມືອງປະຊາຊົນແຫ່ງຊາດຈີນຢ່າງບໍ່ຢຸດຢັ້ງ,ທຳຄວາມພະຍາຍາມໃໝ່ເພື່ອຮັດແໜ້ນພື້ນຖານສັງຄົມຂອງມິດຕະພາບຫວຽດນາມຈີນຕື່ມອີກ.
|
|
|
