ຕາມ​ຂ່າວCRI: ວັນ​ທີ 1 ມິຖຸນາ​ນີ້, ຄະນະ​ກຳມະການ​ພັດທະນາ​ແລະການ​ປະຕິ​ຮູບ​ແຫ່​ງລັດ​ຈີນ​​​ເຜີຍ​ແຜ່​ວ່າ, ຕາມ​ການ​ຕົກລົງ​ຂອງ​ກອງ​ບັນຫາ​ການ​ຕ້ານ​ໄພ​ກູ້​ໄພ​ແຜ່ນດິນ​ໄຫວ​ຂອງ​ລັດຖະບານຈີນ, ໜ່ວຍວາງ​ຜັງສ້າ​ງບ້ານ​ແປງ​ເມືອງ​ຫຼັງໄພ​ແຜ່ນດິນ​ໄຫວ​ລະດັບຊາດ​ໄດ້​ສ້າງ​ຕັ້ງຂຶ້ນ​ແລ້ວ, ຕົ້ນຕໍ​ຮັບຜິດຊອບ​ການວາງຜັງສ້າງ​ບ້ານ​ແປງ​ເມືອງ​ຄືນ​ໃໝ່​ຫຼັງ​ໄພ​ແຜ່ນດິນ​ໄຫວ​ແລະ​ການ​ຄົ້ນຄວ້າ​ນະ​ໂຍບາຍ​ທີ່​ກ່ຽວຂ້ອງ.

ຕາມແຜນການພາກສ່ວນ​ທີ່​ກ່ຽວຂ້ອງ​ຕ່າງໆ​ຂອງ​ຈີນຈະໃຊ້ເວລາ 3 ​ເດືອນ​ສຳ​ເລັດວຽກ​ງານ​ໄລຍະ​ຕົ້ນ​ແລະ​ວາງຜັງ​ສັງ​ລວມຂອງ​ການ​ສ້າງ​ບ້ານ​ແປງ​ເມືອງຄືນ​ໃໝ່​ຫຼັງ​ໄພ​ແຜ່ນດິນ​ໄຫວ, ​ແລະ​ໃຊ້​ເວລາ 3 ປີ​ສຳ​ເລັດ​ໜ້າ​ທີ່​ຕົ້ນຕໍ​ຂອງ​ການ​ສ້າງ​ບ້ານ​ແປງ​ເມືອງຄືນ​ໃໝ່​ຫຼັງ​ໄພ​ແຜ່ນດິນ​ໄຫວ​​ໂດຍ​ພື້ນຖານ.