ຕາມ​ຂ່າວສານ​ຊິນ​ຮວາ: ນັບ​ມາ​ຮອດ​ເວລາ 22 ​ໂມງ​ວັນ​ທີ 31 ພຶດສະພາ​​ແລ້ວນີ້, ໂຄງການຂຸດ​ຄອງ​ລະບາຍ​ນ້ຳ​ເວີງ​ນ້ຳ​ຫົ້ງ​ຖານ​ເຈ່ຍ​ຊ່າ​ນ​ແຂ​ວງ​ເສ​ສວນ​ຂອງ​ຈີນ ​​ໄດ້​ສຳ​ເລັດ​ແລ້ວຢ່າງ​ເປັນ​ທາງ​ການ.
ຂ່າວ​ຈາກ​ກອງ​ບັນຊາ​ການ​ຕ້ານ​ໄພ​ເວີງ​ນ້ຳ​ຫົ້ງ​ຖານ​ເຈ່ຍ​ຊ່ານ​ແຈ້ງວ່າ, ນັບ​ມາ​ຮອດ 22 ​ໂມງວັນ​ທີ 31 ພຶດສະພາ​ແລ້ວ​ນີ້, ລວມທັງ​ໝົດ​ໄດ້​ຂຸດ​ດິນ​ແລະ​ຫີນ 1​ແສນ 3 ໝື່ນ​ແມັດ​ກ້ອນ, ​​ແປງ​ທາງ 17 ກິ​ໂລ​ແມັດ, ກຳຈັດ​ຕົ້ນ​ໄມ້ 3 ໝື່ນ 5 ພັນ​ແມັດ​ກ້ອນ. ປັດຈຸບັນ, ຜູ້​ດຳ​ເນີນ​ໂຄງການ​ສ່ວນ​ໜຶ່ງ​ໄດ້​ຖອນ​ອອກ​ເປັນ​ລຳດັບ​ແລ້ວ.

ເພື່ອ​ຮັບປະກັນ​ຄວາມ​ປອດ​ໄພ​, ປະຊາຊົນ​ເມືອງ​ໝຽນຢາງ 1 ​ແສນ 9 ໝື່ນ​ຄົນ​ໄດ້​ຍ້າຍ​ໄປຢູ່​ບ່ອນ​ປອດ​ໄພ​ແລ້ວ.

​ໃນ​ງານ​ຖະ​ແຫຼ​ງຂ່າວ​ຕ້ານ​ໄພ​ກູ້​ໄພ​ແຜ່ນດິນ​ໄຫວ​ແຂວງ​ເສ​ສວນ​ຈີນ​ທີ່​ຈັດ​ຂຶ້ນ​ໃນ​ວັນ​ທີ 31 ພຶດສະພາ​ແລ້ວ​ນີ້, ພະ​ແນ​ກຊົນລະ​ປະທານ​ແຂວງ​ເສ​ສວນ​ກ່າວ​ວ່າ, ວຽກ​ງານ​ສ້ອມ​ແປງ​ອ່າງ​ຂັງ​ນ້ຳ​ແລະ​ຝາຍ​ທີ່​ຖືກ​ທຳລາຍ​ຍ້ອນ​​ໄພ​ແຜ່ນດິນ​ໄຫວ​ພວມ​ດຳ​ເນີນ​ຢູ່​ຢ່າງ​ເຄັ່ງ​ຮ້ອນ.