|
ຈີນໄດ້ແກ້ໄຂບັນຫານ້ຳກິນຊົ່ວຄາວຂອງປະຊາຊົນຊົນນະບົດ9.550.000ຄົນທີ່ປະສົບໄພແຜ່ນດິນໄຫວນັ້ນໂດຍພື້ນຖານ
cri
ຕາມຂ່າວສານຊິນຮວາ,ຕອນຄ່ຳວັນທີ31ພຶດສະພາແລ້ວນີ້,ກອງບັນຊາການຕ້ານແລະກູ້ໄພແຜ່ນດິນໄຫວກະຊວງຊົນລະປະທານຈີນໄດ້ແຈ້ງໃຫ້ຊາບວ່າ,ປັດຈຸບັນ,ບັນຫານ້ຳກິນຊົ່ວຄາວຂອງປະຊາຊົນຊົນນະບົດຈີນ9.550.000ຄົນທີ່ປະສົບໄພແຜ່ນດິນໄຫວໄດ້ຮັບການແກ້ໄຂໂດຍພື້ນຖານແລ້ວ.
ພາຍຫຼັງເມືອງເວິ່ນຊວນເກີດແຜ່ນດິນໄຫວແລ້ວ,ກອງບັນຊາການຕ້ານແລະກູ້ໄພແຜ່ນດິນໄຫວກະຊວງຊົນລະປະທານຈີນໄດ້ຈັດວາງຢ່າງຮີບດ່ວນ,ໃຊ້ມາດຕະການຕ່າງໆເຊັ່ນສ້ອມແປງລະບົບສະໜອງນ້ຳທີ່ມີຢູ່ແລ້ວ,ສ້າງລະບົບສະໜອງນ້ຳຊົ່ວຄາວ,ຕິດຕັ້ງອຸປະກອນກັ່ນນ້ຳໃຫ້ສະອາດ,ກັ່ນນ້ຳ,ດັບເຊື້ອແລະສົ່ງນ້ຳດ້ວຍຍວດຍານພາຫະນະ,ຮັບປະກັນການສະໜອງນ້ຳໃຫ້ຊົນນະບົດເຂດປະສົບໄພ.
ວັນທີ31ພຶດສະພາແລ້ວນີ້,ຢູ່ທີ່ປັກກິ່ງ,ໃນເວລາຕອບຄຳຖາມຂອງນັກຂ່າວກ່ຽວກັບການຟື້ນຟູຄວາມເປັນລະບຽບຮຽບຮ້ອຍດ້ານຊີວິດການເປັນຢູ່ຂອງເຂດປະສົບໄພແຜ່ນດິນໄຫວໂດຍໄວ,ເຈົ້າໜ້າທີ່ກະຊວງການປົກຄອງແລະປະຊາສົງເຄາະຈີນກ່າວວ່າ,ຈີນຈະແກ້ໄຂບັນຫາເຮືອນຢູ່ຂອງປະຊາຊົນເຂດປະສົບໄພໂດຍແບ່ງເປັນຂັນຕອນແລະເປັນເອກະພາບກັນ.
|
|
