|
ຕາມຂ່າວສານຊິນຮວາ: ວັນທີ2ມິຖຸນານີ້, ຢູ່ເມືອງເຊີງຕູ່ ແຂວງເສສວນ, ທ່ານຈ່າງກົວປາວ ຫົວໜ້າກົມພະລັງງານແຫ່ງຊາດຈີນ, ຜູ່ຮັບຜິດຊອບການກໍ່ສ້າງພື້ນຖານໂຄງລ່າງຄືນໃໝ່ຂອງກອງບັນຊາການສູງສຸດກູ້ໄພແຜ່ນດິນໄຫວຂອງລັດຖະບານຈີນ ກ່າວວ່າ, ການສະໜອງໄຟຟ້າຢູ່ເຂດປະສົບໄພແຜ່ນດິນໄຫວເສສວນມີການຮັບປະກັານຢ່າງພຽງພໍ.
ທ່ານກ່າວວ່າ, ເພື່ອຕອບສະໜອງຄວາມຮຽກຮ້ອງຕ້ອງການດ້ານຖ່ານຫີນ,ໄຟຟ້າແລະ ນ້ຳມັນເຊື້ອໄຟຂອງເຂດແຜ່ນດິນໄຫວແຂວງເສສວນ, ຄະນະລັດຖະບານຈີນໄດ້ຈັດກອງປະຊຸມຈັດວາງວຽກງານໂດຍສະເພາະ. ປັດຈຸບັນ, ກຸ່ມ ບໍລິສັດ ນ້ຳມັນເຊື້ອໄຟ ແລະ ອາແກັສທຳມະຊາດຈີນພວມສົ່ງນ້ຳມັນເຊື້ອໄຟໄປໃຫ້ເຂດປະສົບໄພ ຢ່າງບໍ່ຂາດສາຍ. ນອກນີ້, ວິສາຫະກິດຖ່ານຫີນສ່ວນຫຼາຍຂອງແຂວງເສສວນກໍ່ໄດ້ຟື້ນຟູການຜະລິດແລ້ວ.
|
