|
|
 |
| (GMT+08:00)
2008-06-03 19:24:50
|
 |
|
ຫຼັກໝັ້ນແລະນະໂຍບາຍຂອງຈີນໃນການປົກປ້ອງແລະຊຸກຍູ້ສິດທິມະນຸດແມ່ນສະເໝີຕົ້ນສະເໝີປາຍ
cri
Author: mo
ຕາມຂ່າວCRI：ວັນທີ 3 ມິຖຸນານີ້,ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ, ທ່ານສີນກ່າງ ໂຄສົກກະຊວງການຕ່າງປະເທດຈີນກ່າວເນັ້ນວ່າ, ຫຼັກໝັ້ນແລະນະໂຍບາຍຂອງຈີນໃນການປົກປ້ອງແລະຊຸກຍູ້ສິດທິມະນຸດແມ່ນສະເໝີຕົ້ນສະເໝີປາຍ.
ໃນເວລາຕອບຄຳຖາມຂອງນັກຂ່າວ, ທ່ານສີນກ່າງຊີ້ອອກວ່າ, ລັດຖະບານຈີນອອກແຮງຄໍ້າປະກັນແລະບູລະນະສິດທິມະນຸດຂອງສາທາລະນະຊົນຈີນຢ່າງບໍ່ຢຸດຢັ້ງ, ນີ້ບໍ່ແມ່ນຊີ້ຂາດຢູ່ນຳຄວາມປາຖະໜາຂອງປະເທດໃດ ກຸ່ມໃດ ອົງການໃດຫຼືບຸກຄົນໃດໄດ້, ກໍ່ບໍ່ສາມາດຊັ່ງຊາດ້ວຍມາດຕະຖານຂອງປະເທດໃດ ອົງການໃດແລະບຸກຄົນໃດ. ຈີນມີເຈດຈຳນົງຕະຫຼອດມາວ່າ ລະຫວ່າງປະເທດກັບປະເທດຄວນຈັດການສົນທະນາກັນກ່ຽວກັບບັນຫາສິດທິມະນຸດບົນພື້ນຖານທີ່ເຄົາລົບແລະສະເໝີພາບກັນ, ເພື່ອເພີ່ມຄວາມເຂົ້າໃຈກັນ ຫຼຸດຄວາມເຫັນທີ່ຂັດແຍ່ງກັນໃຫ້ໜ້ອຍລົງ, ຄັດຄ້ານການເອົາສິດທິມະນຸດເປັນຂໍ້ອ້າງ, ໃຊ້ຄວາມກົດດັນແລະສອງມາດຖານມາແຊກແຊງວຽກງານພາຍໃນຂອງປະເທດອື່ນ.
|
|
|
