ວິທະຍຸສາກົນແຫ່ງປະເທດຈີນລາຍງານວ່າ: ໂດຍຕອບສະໜອງຄຳເຊີນຂອງທ່ານເມ
ດີ ເຟເລນ ປະທານາທິບໍດີຮຸງກາລີ ວັນທີ 10 ມິຖຸນາ ທ່ານຫູຈິນທ່າວ ປະທານປະ
ເທດຈີນໄດ້ເດີນທາງໄປຮອດບຸຍດາແປສ ເລີ່ມຢ້ຽມຢາມຮຸງກາລີທາງລັດຖະກິດ.

ຢູ່ເດີ່ນຍົນ ທ່ານຫູຈິນທ່າວໄດ້ກ່າວຄຳປາໄສທາງລາຍລັກອັກສອນວ່າ,ມິດຕະພາບ
ລະຫວ່າງປະຊາຊົນຈີນແລະຮຸງກາລີມີມາແຕ່ບູຮານນະການ.ຈີນເອົາໃຈໃສ່ນຳການ
ຮ່ວມມືດ້ວຍໄມຕີຈິດກັບຮຸງກາລີ,ຍິນດີພ້ອມກັນກັບຝ່າຍຮຸງກາລີທຳຄວາມພະຍາຍາມ
ເຮັດໃຫ້ການພົວພັນສອງປະເທດໃນສັດຕະວັດໃໝ່ ມີເນື້ອໃນອຸດົມສົມບູນເລື້ອຍໆ,
ມີພະລັງຊີວິດໃໝ່ແລະສ້າງຄວາມສຸກໃຫ້ແກ່ປະຊາຊົນສອງຊາດ.

ທ່ານຫູຈິນທ່າວກ່າວວ່າ,ເຊື່ອວ່າການຢ້ຽມຢາມເທື່ອນີ້ຍ່ອມຈະເພີ່ມທະວີຄວາມເຂົ້າ
ໃຈກັນລະຫວ່າງສອງຝ່າຍ,ເພີ່ມທະວີມິດຕະພາບອັນເປັນມູນເຊື້ອ,ເຮັດໃຫ້ການຮ່ວມ
ມືຕ່າງຝ່າຍຕ່າງມີຜົນປະໂຫຍດລົງສູ່ລວງເລິກ,ຊຸກຍູ້ການພົວພັນສອງປະເທດຂະ
ຫຍາຍຕົວອອກຮອບດ້ານ.