ຂ່າວສານຊິນຮວາລາຍງານວ່າ: ສູນວັດທະນະທຳຈີນລູມານີເຊິ່ງແມ່ນກະຊວງວຽກ
ງານວັດທະນະທຳແລະສາສະໜາລູມານີແລະອົງການປົກຄອງນະຄອນບຸຍກາແລັດ
ເປັນຜູ້ລິເລີ່ມສ້າງໄດ້ຈັດພິທີເປີດຢ່າງເປັນທາງການຢູ່ບຸຍກາແລັດໃນຕອນຄ່ຳວັນທີ
10 ມິຖຸນາ.

ສູນວັດທະນະທຳຈີນລູມານີຕັ້ງຢູ່ໃນສິ່ງກໍ່ສ້າງບູຮານທີ່ຊື່ວ່າວັງຈີຄາທີ່ຢູ່ໃຈກາງເມືອງ.
ໃນພິທີໄຂສູນ ທ່ານລາສວານ ເທໂອໂດເລັສຸຄູ ລັດຖະມົນຕີກະຊວງວຽກງານວັດທະ
ນະທຳແລະສາສະໜາຂອງລູມານີເວົ້າວ່າ,ສູນວັດທະນະທຳຈີນລູມານີແມ່ນສ້າງຂຶ້ນ
ກ່ອນທ່ານຫູຈິນທ່າວປະທານປະເທດຈີນຢ້ຽມຢາມລູມານີ ນີ້ເປັນການສະແດງຄວາມ
ຕ້ອນຮັບແລະຄວາມເຄົາລົບຕໍ່ທ່ານປະທານຫູຈິນທ່າວ,ກໍແມ່ນເພື່ອລະລຶກລູມານີຈີນ
ສ້າງສາຍສຳພັນທາງການທູດຄົບຮອບ 55 ປີ.

ໃນພິທີ,ທ່ານເທໂອໂຕເລັສຸຄູແລະທ່ານຊູຈ່ຽນ ເອກອັກຄະລັດຖະທູດຈີນປະຈຳລູມານີ
ລ້ວນແຕ່ກ່າວວ່າ,ການສ້າງຕັ້ງສູນວັດທະນະທຳຍ່ອມຈະເພີ່ມທະວີຄວາມເຂົ້າໃຈກັນ
ແລະຮ່ວມມືກັນລະຫວ່າງປະຊາຊົນສອງຊາດຕື່ມອີກ,ແລະຊຸກຍູ້ການພົວພັນມິດຕະ
ພາບລະຫວ່າງສອງປະເທດໃຫ້ຂະຫຍາຍກວ້າງອອກ.