|
|
 |
| (GMT+08:00)
2004-06-15 21:50:34
|
 |
|
ປະມຸກລັດຈີນອຸສເບກກີສະຕານເຊັນຖະແຫຼງການຮ່ວມ
cri
ຕາມຂ່າວCRI,ວັນທີ 15 ມິຖຸນາ ຢູ່ທ່ີຕັສເກນ,ທ່ານຫຸຈິນທາວ ປະທານປະເທດຈີນທ່ີໄປຢ້ຽມຢາມອຸສເບກກີສະຕານທາງລັດຖະກິດກັບທ່ານຄາລີມົຟ ປະທານາທິບໍດີອຸສເບກກີສະຕານໄດ້ເຊັນຖະແຫຼງການຮ່ວມລະຫວ່າງຈີນກັບອຸສເບກກີສະຕານກ່ຽວກັບການຂະຫຍາຍແລະລົງເລິກການພົວພັນຫມູ່ຄູ່ຮ່ວມມືດ້ວຍໄມຕິຈິດລະຫວ່າງສອງປະເທດຕ່ືມອີກ.
ຖະແຫຼງການຊີ້ອອກວ່າ,ການເປີດກວ້າງແລະລົງເລິກການຮ່ວມມືທ່ີຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດໃນຂົງເຂດຕ່າງໆ,ສອດຄ່ອງກັບຜົນປະໂຫຍດກົກຮາກຂອງປະຊາຊົນຂອງສອງປະເທດ,ມີຜົນດີຕໍ່ການປົກປັກຮັກສາສັນຕິພາບ ຄວາມປອດໄພແລະສະຖຽນລະພາບຂອງພາກພື້ນແລະຂອງໂລກ.ຖະແຫຼງການຂຽນວ່າ,ສອງຝ່າຍຈະສືບຕໍ່ເດັດດ່ຽວສະຫນັບສະຫນູນຄວາມພະຍາຍາມຂອງຝ່າຍກົງກັນຂ້າມທ່ີປົກປັກຮັກສາອະທິປະໄຕເອກະລາດແລະຜຶນແຜ່ນດິນອັນຄົບຖ້ວນຂອງຊາດ.ນີ້ແມ່ນພາກສ່ວນປະກອບທ່ີສຳຄັນຂອງການພົວພັນລະຫວ່າງສອງຝ່າຍ
ໃນຖະແຫຼງການ,ຝ່າຍອຸສເບກກີສະຕານກ່າວລຶ້ມວ່າ,ໄຕ້ຫວັນເປັນພາກສ່ວນຫນ່ຶງຂອງດິນແດນຈີນທ່ີຕັດແບ່ງບໍ່ໄດ້,ລັດຖະບານອຸສເບກກີສະຕານຈະບໍ່ໄດ້ສ້າງການພົວພັນຮູບການໃດໆກັບຝ່າຍທາງການກັບໄຕ້ຫວັນ,ລັດຖະບານອຸສເບກກີສະຕານຄັດຄ້ານເຈດຕະນາໃດໆທ່ີປັ້ນແຕ່ງສອງປະເທດຈີນຫຼືຈີນຫນ່ຶງໄຕ້ຫວັນຫນ່ຶງ,ຄັດຄ້ານໄຕ້ຫວັນເປັນເອກະລາດ
ຖະແຫຼງການຍັງຂຽນວ່າ,ສອງຝ່າຍເປັນເອກະສັນກັນເຫັນວ່າ ລັດທິກໍ່ການຮ້າຍ ລັດທິແບ່ງແຍກ ລັດທິຫົວຈັດແມ່ນການຂົ່ມຂູ່ຕົ້ນຕໍຕໍ່ຄວາມປອດໄພແລະສະຖຽນລະພາບໃນພາກພື້ນແຫ່ງນີ້
|
|
|
