|
CRI ລາຍງານວ່າ: ວັນທີ 16 ມິຖຸນາ ຢູ່ຕັສການ ທ່ານຫູຈີນທ່າວ ປະທານປະເທດຈີນໄດ້ແຍກອອກພົບປະທ່ານນາຈາບາເຢຟ ປະທານາທິບໍດີກາຊັກສະຖານ ທ່ານອາຄາເຢຟ ປະທານາທິບໍດີກຽດກີຊິສະຖານແລະທ່ານລາເຮີໂມໂນຟ ປະທານາທິບໍດີຕາກີຊິສະຖານທ່ີເຂົ້າຮ່ວມກອງປະຊຸມສຸດຍອດອົງການຮ່ວມມືຊຽງໄຮ້ທ່ີຕັສການ.
ໃນເວລາພົບປະທ່ານນາຈາບາເຢຟ,ທ່ານຫູຈີນທ່າວເວົ້າວ່າ, ພາກສ່ວນທ່ີກ່ຽວຂ້ອງຂອງສອງຝ່າຍຕ້ອງຈັດຕັ້ງປະຕິບັດເອກະສານແລະສັນຍາຮ່ວມມືສອງຕໍ່ສອງຫລາຍສະບັບທ່ີສອງປະເທດເຊັນກັນ,ຝ່າຍຈີນສະຫນັບສະຫນູນຂໍ້ສະເຫນີຂອງຝ່າຍກາຊະສະຖານກ່ຽວກັບການສ້າງທາງລົດໄຟທ່ີຕິດຕໍ່ຈີນ ກາຊະສະຖານ ຕວກເມນີສະຖານແລະອີຣານ.
ໃນເວລາກ່າວເຖິງອົງການຮ່ວມມືຊຽງໄຮ້, ທ່ານຫູຈີນທ່າວເວົ້າວ່າ, ການເພີ່ມທະວີການຮ່ວມມືໃນຂົງເຂດຄວາມປອດໄພແລະເສດຖະກິດແມ່ນຈຸດຫນັກວຽກງານຂອງອົງການນີ້ໃນຕໍ່ໄປພາຍຫນ້າ.
ໃນເວລາພົບປະທ່ານອາຄາເຢຟ ,ທ່ານຫູຈີນທ່າວໄດ້ຍ້ອງຍໍຝ່າຍກຽດກີຊິສະຖານ ຮັບຮອງຖານະເສດຖະກິດຕະຫລາດສົມບູນຂອງຈີນຢ່າງເປັນທາງການ, ເຫັນວ່ານີ້ຍ່ອມຈະເກີດມີບົດບາດອັນສຳຄັນທ່ີຊຸກຍູ້ການຮ່ວມມືເສດຖະກດການຄ້າທ່ີຕ່າງຝ່າຍຕ່າງມີຜົນປະໂຫຍດລະຫວ່າງຈີນກັບກຽດກີຊິສະຖານ.
ສອງຝ່າຍເປັນເອກະສັນກັນເຫັນວ່າ, ເຂດອາຊີກາງປະເຊີນຫນ້າທ່ີຮ່ວມທ່ີໂຈມຕີລັດທິກໍ່ການຮ້າຍ ລັດທິແບ່ງແຍກແລະລັດທິຫົວຮຸນແຮງ,ສອງຝ່າຍຄວນເພີ່ມທະວີການຮ່ວມມືໃນຂົງເຂດຄວາມປອດໄພຕື່ມອີກ.
ໃນເວລາພົບປະທ່ານລາເຮີໂມໂນຟ,ປະມຸກລັດສອງປະເທດເປັນເອກະສັນກັນເຫັນວ່າ, ການຊຸກຍູ້ການຮ່ວມມືທ່ີຕິດແທດຕົວຈິງໃນຂົງເຂດຮູບປະທຳຄວນແມ່ນຈຸດຫນັກວຽກງານຂອງອົງການຮ່ວມມືຊຽງໄຮ້ໃນຕໍ່ໄປພາຍຫນ້າ.
|
