|
|
 |
| (GMT+08:00)
2004-06-17 21:55:56
|
 |
|
ທ່ານຫູຈິນທ່າວກ່າວວ່າ ມີແຕ່ຮ່ວມມືກັນໃຫ້ດີຢ່າງແທ້ຈິງ ອົງການຮ່ວມມືຊຽງໄຮຈຶ່ງມີພະລັງຊີວິດ
cri
ວິທະຍຸສາກົນແຫ່ງປະເທດຈີນລາຍງານວ່າ: ວັນທີ 17 ມິຖຸນາ ທ່ານຫູຈິນທ່າວ ປະທານປະເທດຈີນທີ່ເຂົ້າຮ່ວມກອງປະຊຸມສຸດຍອດຂອງອົງການຮ່ວມມືຊຽງໄຮທີ່ຕັສເກນກ່າວວ່າ,ມີແຕ່ເຮັດການຮ່ວມມືກັນໃຫ້ດີຢ່າງແທ້ຈິງແລ້ວ ອົງການຮ່ວມມືຊຽງໄຮຈຶ່ງຈະມີພະລັງຊີວິດອັນແຂງແຮງ
ໃນງານຊຸມນຸມນັກຂ່າວທີ່ຈັດຂຶ້ນຫຼັງກອງປະຊຸມ ທ່ານຫູຈິນທ່າວເວົ້າວ່າ:
ຄຳຖະແຫຼງການຕັສເກນທີ່ປະມຸກ 6 ປະເທດຫາກໍ່ເຊັນກັນນັ້ນໄດ້ຊີ້ອອກຢ່າງຈະແຈ້ງວ່າ,ຄຽງຄູ່ກັບໄລຍະກໍ່ສ້າງກົນໄກສິ້ນສຸດລົງ ອົງການຮ່ວມມືຊຽງໄຮໄດ້ເຂົ້າສູ່ໄລຍະທີ່ປະເທດສະມາຊິກດຳເນີນການຮ່ວມມືກັນຮອບດ້ານໃນຂອບຂອງອົງການຕົນເອງ. ນີ້ມີຄວາມໝາຍຊີ້ນຳສຳຄັນທີ່ສຸດຕໍ່ວຽກງານໃນໄລຍະຕໍ່ໄປຂອງອົງການຮ່ວມມືຊຽງໄຮ. ມີແຕ່ຮ່ວມມືຢ່າງແທ້ຈິງແລ້ວ ນຳເອົາຜົນໂຫຍດຕົວຈິງແລະໂອກາດພັດທະນາຍິ່ງຫຼາຍມາໃຫ້ 6 ປະເທດແລະປະຊາຊົນ 6 ປະເທດແລ້ວ ອົງການຮ່ວມມືຊຽງໄຮຈຶ່ງສາມາດຮັກສາພະລັງຊີວິດທີ່ຮຸ່ງເຮືອງໄດ້,ກາຍເປັນກົນໄກບັງເກີດຜົນທີ່ຊຸກຍູ້ໃຫ້ປະເທດສະມາຊິກແລະທົ່ວພາກພື້ນມີຄວາມປອດໄພ,ມີສະຖຽນລະພາບແລະພັດທະນາຢ່າງແທ້ຈິງ. ທ່ານເວົ້າວ່າ,ເພື່ອບັນລຸເປົ້າໝາຍດັ່ງກ່າວ ໜ້າທີ່ສຳຄັນລຳດັບໜຶ່ງໃນສະເພາະໜ້າກໍແມ່ນຈັດຕັ້ງປະຕິບັດໜ້າທີ່ທຸກລາຍທີ່ຄຳຖະແຫຼງການຕັນເກນສະເໜີອອກມາແລະເອກະສານຮ່ວມມືທີ່ອົງການດັ່ງກ່າວໄດ້ຜ່ານຮັບຮອງຫວ່າງກ່ອນນີ້.
ໃນຕອນມ້ວນທ້າຍ,ທ່ານຫູຈິນທ່າວກ່າວວ່າ:
"ຂ້າພະເຈົ້າເຊື່ອວ່າ,ທະແນມແຕ່ບັນດາຝ່າຍພ້ອມກັນພະຍາຍາມ ພວກເຮົາກໍຍ່ອມສາມາດເຮັດໃຫ້ການຮ່ວມມືຕົວຈິງຂອງອົງການຮ່ວມມືຊຽງໄຮໄດ້ຮັບໝາກຜົນໃໝ່ຢ່າງບໍ່ຢຸດຢັ້ງ."
|
|
|
