|
|
 |
| (GMT+08:00)
2004-06-29 11:16:10
|
 |
|
ປະຊາຄົມໂລກສະແດງຄວາມຊົມເຊີຍຕໍ່ເລື່ອງໄດ້ມອບອຳນາດໃຫ້ອີຣັກ
cri
CRIລາຍງານວ່າ:ພາຍຫຼັງເຈົ້າໜ້າທີ່ກອງທະຫານປະສົມປະຈຳອີຣັກມອບອຳນາດໃຫ້ລັດຖະບານຊົ່ວຄາວອີຣັກໃນວັນທີ28ມິຖຸນາແລ້ວ,ປະເທດແລະອົງການຈັດຕັ້ງສາກົນຈຳນວນໜ່ຶ່ງທະຍອຍກັນສະແດງຄວາມຊົມເຊີຍຕໍ່ເລື່ອງໄດ້ມອບອຳນາດໃຫ້ອີຣັກບັນລຸເປັນຈິງ,ແລະກ່າວວ່າຈະສ້າງການພົວພັນກັບລັດຖະບານອີຣັກ.
ທ່ານອານນານ ເລຂາທິການໃຫຍ່ສະຫະປະຊາຊາດແລະສະພາຄວາມໝັ້ນຄົງຕ່າງອອກຖະແຫຼງການວ່າ,ຊົມເຊີຍຕໍ່ເລື່ອງໄດ້ມອບອຳນາດໃຫ້ອີຣັກ,ແລະກ່າວວ່າສະຫະປະຊາຊາດຈະຊ່ອຍອີຣັກດຳເນີນການສ້າງສາຄືນໃໝ່ໃຕ້ກໍລະນີທີ່ສະຖານະການເອື້ອອຳນວຍ.
ທ່ານເຟໂດທົຟ ຮອງລັດຖະມົນຕີກະຊວງການຕ່າງປະເທດລັດເຊຍເວົ້າວ່າ,ລັດເຊຍຍິນດີ ຂະຫຍາຍການພົວພັນກັບອຳນາດການປົກຄອງໃໝ່ຂອງອີຣັກ.
ທ່ານໂຄລົນນາ ໂຄສົກທຳນຽບປະທານາທິບໍດີຝຣັ່ງເວົ້າວ່າ,ການມອບອຳນາດໃຫ້ອີຣັກແມ່ນເລື່ອງທີ່ຄອງຄອຍແຕ່ດົນແລ້ວແລະສຳຄັນທີ່ສຸດ.
ທ່ານຊະໂລເດີ ນາຍົກລັດຖະມົນຕີເຢຍລະມັນສົ່ງໂທລະເລກຊົມເຊີຍໄປຍັງທ່ານອາລາວີ ນາຍົກລັດຖະມົນຕີລັດຖະບານຊົ່ວຄາວອີຣັກ,ກ່າວວ່າລັດຖະບານເຢຍລະມັນຈະໃຫ້ການຮ່ວມມືທີ່ໄວ້ໃຈໄດ້ແກ່ລັດຖະບານອີຣັກ.
ໂຄສົກຂອງອົງການການຕ່າງປະເທດສະຫະພາບເອີລົບກ່າວວ່າ,ຫວັງສ້າງການພົວພັນກັບລັດຖະບານອີຣັກຊຸດໃໝ່ໂດຍໄວ.
ທ່ານໂຮໂຊດາ ຮີໂລຢູຄີ ເລຂາທິການຄະນະລັດຖະບານຍີ່ປຸ່ນກ່າວວ່າ,ຈະຮັບຮອງລັດຖະບານຊົ່ວຄາວອີຣັກຢ່າງເປັນທາງການໃນກອງປະຊຸມຄະນະລັດຖະບານວັນທີ29ມິຖຸນາ.
ນອກນີ້,ໃນມື້ດຽວກັນ,ປະເທດຕ່າງໆເຊັ່ນອີຕາລີ ໂປໂລຍ ອົສຕຼາລີ ອິນໂດເນເຊຍເປັນຕົ້ນພ້ອມດ້ວຍສັນນິບາດປະເທດອາລາບແລະອົງການຈັດຕັ້ງສາກົນກໍໄດ້ສະແດງຄວາມຊົມເຊີຍຕໍ່ການມອບອຳນາດໃຫ້ອີຣັກ.
|
|
|
