|
ຕາມຂ່າວສານຊິນຮວາ,ຜົນສຳຫຼວດປະຊາມະຕິຫຼ້າສຸດທີ່ອົງການປຶກສາໜຶ່ງຂອງອັງກິດປະກາດໃນວັນທີ28ມິຖຸນາສະແດງໃຫ້ເຫັນວ່າ,ຊາວອີຣັກສ່ວນຫຼາຍທີ່ສຸດວິຕົກກັງວົນນຳສະພາບຄວາມປອດໄພຂອງອີຣັກໃນສະເພາະໜ້າ,ເຫັນວ່າ,ເລື່ອງຮີບດ່ວນທີ່ສຸດຂອງອີຣັກໃນສະເພາະໜ້ານີ້ແມ່ນຟື້ນຟູຄວາມປອດໄພຂອງສາທາລະນະຊົນ.
ໃນໄລຍະແຕ່ວັນທີ19ພຶດສະພາຮອດວັນທີ14ມິຖຸນາ,ອົງການປຶກສາດ່ັງກ່າວໄດ້ສຳຫຼວດໃນໝູ່ຊາວອີຣັກ3002ຄົນກ່ຽວກັບສະຖານະການຄວາມປອດໄພຂອງອີຣັກ,ສົງຄາມອີຣັກແລະການສ້າງສາອີຣັກຄືນໃໝ່ຫຼັງສົງຄາມແລະບັນຫາອື່ນໆ.ໃນຈຳນວນຜູ່ຮັບສຳພາດ,ມີເກືອບ60%ເຫັນວ່າກອງທະຫານປະສົມອາເມລິກາອັງກິດຮຸກຮານອີຣັກແມ່ນເລື່ອງຜິດພາດ.
|
