|
|
 |
| (GMT+08:00)
2004-06-30 17:05:34
|
 |
|
ຫາງສຽງອີຣັກຊົມເຊີຍລັດຖະບານຊ່ົວຄາວຮັບອຳນາດອະທິປະໄຕ
cri
ຕາມຂ່າວCRI: ໜັງສືພິມອີຣັກສະບັບອອກວັນທິ 29 ມິຖຸນາໄດ້ສະແດງຄວາມຊົມເຊີຍຕໍ່ລັດຖະບານຊ່ົວຄາວຂອງອີຣັກທ່ີຮັບເອົາອຳນາດອະທິປະໄຕຈາກເຈົ້າໜ້າທ່ີກອງທະຫານປະສົມ, ແລະກ່າວວ່າຈະສະໜັບສະໜູນລັດຖະບານຊ່ົວຄາວ.
ບົດຄວາມບົດໜ່ຶງທ່ີພິມລົງໜັງສືພິມແບກແດກຂຽນວ່າ, ເຖິງວ່າຄົນທັງຫລາຍຍັງມີຄວາມສົງໃສຫລາຍຢ່າງຕໍ່ສະຖານະການຄວາມປອດໄພ, ແຕ່ອີຣັກໄດ້ເລ່ີມຫັນໃຈເອົາອາກາດການເມືອງແຫ່ງອິດສະຫຼະພາບແລ້ວ.
ໜັງສືພິມອານດາວາທ່ີຈັດໂດຍພັກຮຽກຮ້ອງອິສລາມເຊ່ິງເປັນພັກການເມືອງນິກາຍຊີອິດຂອງອິຣັກໄດ້ພິມລົງໜ້າທຳອິດ, ຮຽກຮ້ອງປະຊາຊົນອີຣັກໃຫ້ໂອກາດເທ່ືອໜ່ຶງແກ່ລັດຖະບານຊຸດໃໝ່, ແລ້ວສັງເກດເບ່ິງການກະທຳຂອງລັດຖະບານຊຸດໃໝ່ຫລັງຈາກຮັບເອົາອຳນາດອະທິປະໄຕແລ້ວ.
ໜັງສຶພິມທ່ີຂຶ້ນກັບຄະນະກຳມະການສູງສຸດການປະຕິວັດອິສລາມອີລັກໄດ້ພິມບົດຄວາມ, ສະແດງຄວາມດີໃຈທ່ີອຳນາດອະທິປະໄຕຂອງຊາດໄດ້ກັບຕ່າວຄືນມາ.
ແຕ່ບາງຫາງສຽງກໍຊີ້ອອກວ່າ, ອຳນາດອະທິປະໄຕຂອງລັດຖະບານຊຸດໃໝ່ແມ່ນມີຈຳກັດ, ມວນຊົນຄອງຄອຍການເລືອກຕັ້ງທ່ົວໄປທ່ີຈະຈັດຂຶ້ນໃນເດືອນມັງກອນປີໜ້າ.
|
|
|
