|
CRI ລາຍງານວ່າ: ພາຍຫຼັງກອງທະຫານປະສົມປະຈຳອີຣັກມອບຕົວທ່ານຊັດດາມ ອະດີດປະທານາທິບໍດີອີຣັກແລະເຈົ້າໜ້າທ່ີຊັ້ນສູງ 11 ຄົນຂອງອະດີດອຳນາດການປົກຄອງອີຣັກໃຫ້ລັດຖະບານຊ່ົວຄາວອີຣັກໃນວັນທີ 30 ມິຖຸນາແລ້ວ, ບັນຫາຕັດສິນທ່ານຊັດດາມໄດ້ພາໃຫ້ປະເທດຈຳນວນໜ່ຶງສົນໃຈນຳ.
ທ່ານອານ ຊາບາ ນາຍົກລັດຖະມົນຕີໂກແວັດກ່າວວ່າ, ທ່ານຊັດດາມຕ້ອງຖືກຕັດສິນຖານໂທດກຳໄຮ້ມະນຸດສະທຳທ່ີເຂົາກະທຳຢູ່ໂກແວັດ.
ບຸກຄົນການຕ່າງປະເທດລັດເຊຍກ່າວວ່າ, ຊະຕາກຳຂອງທ່ານຊັດດາມຄວນໃຫ້ປະຊາຊົນອີຣັກຕັດສິນເອົາເອງ.
ວັນທີ 30 ມິຖຸນາ ໂຄສົກສຳນັກງານນາຍົກລັດຖະມົນຕີອັງກິດກ່າວເນັ້ນອີກເທ່ືອໜ່ຶງວ່າ, ອັງກິດຄັດຄ້ານຕັດສິນປະຫານຊີວິດທ່ານຊັດດາມໃນອະນາຄົດ.
ໃນມື້ດຽວກັນ ທ່ານອານ ລູບາອີ ທ່ີປຶກສາຄວາມປອດໄພແຫ່ງຊາດທ່ີດຳລົງຕຳແໜ່ງໃໝ່ຂອງລັດຖະບານຊ່ົວຄາວອີຣັກກ່າວວ່າ, ສານພິເສດອີຣັກຈະຕັດສິນທ່ານຊັດດາມຕາມກົດໝາຍຂອງອີຣັກເອງໂດຍໄວ, ໃນໄລຍະຕັດສິນຈະພະຍາຍາມທ່ຽງທຳແລະອາດຈະຖ່າຍທອດສົດ. ທ່ານກ່າວເນັ້ນວ່າ ສານພິເສດມີສິດຕັດສິນປະຫານຊີວິດນັກໂທດ.
|
