CRI ລາຍ​ງານ​ວ່າ: ວັນ​ທີ 1 ກໍລະກົດ​ນີ້ ຢູ່​ແບກ​ແດດ ນະຄອນຫຼວງອີຣັກ​ໄດ້​ເກີດ​ເຫດການ​ລະ​ເບີດ​ສອງ​ເທ່ືອ, ຢ່າງ​ໜ້ອຍ​ມີສາມ​ຄົນ​​ເສຍ​ຊີວິດ​, ​ລວມທັງ​ທ່ານ​ອີ​ຊາ​ເນ ຄາ​ລິ​ມ ຫົວໜ້າ​ກົມກວດກາ​ບັນຊີ​ກະຊວງ​ການ​ເງິນ​ຂອງ​ລັດຖະບານ​ຊ່ົວຄາວ​ອີຣັກ, ອີກ 4 ຄົນ​ບາດ​ເຈັບ.

ຕາມ​ຂ່າວ​ຈາກ​ໂຮງໝໍ​ຫຼັງໜ່ຶງ​ຂອງ​ແບກ​ແດດ​ກ່າວ​ວ່າ, ປະມານ 8 ​ໂມງ​ເຊົ້າຂອງ​ວັນ​ທີ 1 ກໍລະກົດ​, ​ໃນ​ເວລາ​ຂະ​ບວນລົດ​ຂອງ​ທ່ານ​ຄາ​ລິ​ມ​ແລ່ນ​ຜ່ານ​ສະໜາມຫຼວງ​ແຫ່ງໜ່ຶງຢູ່​ເຂດ​ຄາ​ດີ​ຊີ​ຢານັ້ນ ​ໄດ້​ຖືກ​ຫຼອນ​ໂຈມ​ຕີດ້ວຍລູກ​ລະ​ເບີດ, ຜູ່​ຂັບ​ລົດ​ແລະ​ຜູ່​ຮັກສາ​ຂອງ​ທ່ານ​ຖືກ​ລະ​ເບີດ​ເສຍ​ຊີວິດ​ກັບ​ບ່ອນ, ທ່ານ​ເອງ​ເສຍ​ຊີວິດ​ຢູ່​ໂຮງໝໍ​ຍ້ອນ​ບາດ​ເຈັບ​ໜັກ​.