|
ຕາມຂ່າວCRI,ວັນທີ1ກໍລະກົດ,ສານໂທດກຳສົງຄາມພິເສດຂອງອີຣັກໄດ້ໄຕ່ສວນທ່ານຊັດດາມ ອະດີດປະທານາທິບໍດີອີຣັກ.ຕໍ່ເລື່ອງນີ້,ລັດຖະບານປະເທດຈຳນວນໜຶ່ງແລະສື່ມວນຊົນໄດ້ທຳປະຕິກິລິຍາຕ່າງກັນ.
ທ່ານມາເຮີລັດຖະມົນຕີການຕ່າງປະເທດເອຢິບກ່າວວ່າ,ການໄຕ່ສວນຕັດສິນທ່ານຊັດດາມບໍ່ແມ່ນເລື່ອງສຳຄັນອັນດັບໜຶ່ງທີ່ປະຊາຊົນອີຣັກຄວນເຮັດ.ເວົ້າສຳລັບປະຊາຊົນອີຣັກແລ້ວ.ສິ່ງສຳຄັນກວ່າໝູ່ແມ່ນຜ່ານຜ່າຄວາມຫຍຸ້ງຍາກໃນສະເພາະໜ້ານີ້,ຕ້ອນຮັບອະນາຄົດອັນດີງາມ.
ສົມເດັດອັບດູນລາເຈົ້າຊີວິດຊອກດານີຊົງກ່າວວ່າ,ຄວນສຳເລັດການໄຕ່ສວນຕັດສິນຕາມຂະບວນການຕຸລາການຂອງອີຣັກ.
ທ່ານເມັກເລແລນໂຄສົກທຳນຽບຂາວອາເມລິກາກ່າວວ່າ,ທ່ານຊັດດາມແລະໝູ່ຄູ່ຂອງເຂົາພວມປະເຊີນກັບການໄຕ່ສວນຕັດສິນອັນເປັນທຳຂອງປະຊາຊົນອີຣັກ.
ສື່ມວນຊົນເຢຍລະມັນເຫັນວ່າ,ສານຂອງອີຣັກດັ່ງກ່າວມີບັນຫາທີ່ມີລັກສະນະຊອບກົດໝາຍບໍ່ພຽງພໍ.
ສື່ມວນຊົນເອມີລາອາລັບເຫັນວ່າ,ທ່ານຊັດດາມອອກສານຮັບການໄຕ່ສວນຕັດສິນມີຄວາມໝາຍເລິກເຊິ່ງຍາວໄກ,ໄດ້ສະແດງໃຫ້ເຫັນວ່າສິດຕຸລາການຂອງອີຣັກໄດ້ກັບຄືນສູ່ລັດຖະບານຊົ່ວຄາວແລ້ວ.ມັນຈະກາຍເປັນບາດລ້ຽວທີ່ອີຣັກບັນລຸການມີສະຖຽນລະພາບເປັນກ້າວໆ.
|
