|
ກະຊວງການຕ່າງປະເທດລີບັງໄດ້ຢືນຢັນວ່າກອງປະກອບອາວຸດຂອງອີຣັກໄດ້ຂ້າທະຫານອາເມລິກາເຊື້ອຊາດລີບັງແລ້ວ
cri
ຕາມຂ່າວCRI,ວັນທີ4ກໍລະກົດ,ກະຊວງການຕ່າງປະເທດລີບັງໄດ້ຢືນຢັນວ່າ,ທ້າວວາເຊັຟອາລີຮາຊູນ,ສະມາຊິກທະຫານເຮືອສູ້ລົບເທິງບົກອາເມລິກາປະຈຳອີຣັກ,ເຊື້ອຊາດລີບັງໄດ້ຖືກອົງການຕໍ່ຕ້ານອັນໜຶ່ງຂອງອີຣັກຂ້າຕາຍແລ້ວ.
ຕໍ່ເລື່ອງນີ້,ກະຊວງການຕ່າງປະເທດລີບັງໄດ້ອອກຖະແຫຼງການກ່າວປະນາມວ່າ,ນີ້ແມ່ນເຫດການໂຫດຮ້າຍປ່າເຖື່ອນທີ່ລະເມີດສາສະໜາ,ຄຸນສົມບັດແລະໄຮ້ມະນຸດສະທຳ.ວັນທີ3ກໍລະກົດ,ກອງປະກອບອາວຸດຂອງອີຣັກກອງໜຶ່ງທີ່ເອີ້ນຕົນເປັນທະຫານອັນຊາອານຊູນນາໄດ້ອອກຖະແຫຼງການເທິງແວັບໄຊແຫ່ງໜຶ່ງວ່າອົງການດ່ັງກ່າວໄດ້ຕັດຄໍທ້າວວາເຊັຟອາລີຮາຊູນສະມາຊິກທະຫານເຮືອສູ້ລົບເທິງບົກອາເມລິກາເຊື້ອຊາດລີບັງທີ່ຖືກລັກພາຕົວ.
|
|
