ຕາມ​ຂ່າວສານ​ຊິນ​ຮວາ: ວັນ​ທີ 11 ກໍລະກົດ​ຢູ່​ແບກ​ແດດ, ທ່ານ​ລູບາ​ອີ ທ່ີ​ປຶກສາ​ຄວາມ​ປອດ​ໄພ​ແຫ່ງ​ຊາດ​ຂອງ​ລັດຖະບານ​ຊ່ົວຄາວ​ອີຣັກ​ໄດ້​ຈັດ​ງານ​ຖະ​ແຫຼງຂ່າວ​ປະກາດ​ວ່າ, ອີຣັກຈະ​ກາຍ​ເປັນ​ປະ​ເທດ​ທ່ີ​ບໍ່​ມີ​ອາວຸດ​ລ້າງຜານ​ຂະໜາດ​​ໃຫຍ່.

ທ່ານ​ລູບາ​ອີ​ເວົ້າວ່າ, ລັດຖະບານ​ຊ່ົວຄາວ​ອີຣັກຈະ​ໂຄລົບ "​ສົນທິສັນຍາ​ບໍ່​ແຜ່ຜາຍ​ອາວຸດ​ລ້າງຜານ​ຂະໜາດ​ໃຫຍ່" ​ແລະ​ສົນທິສັນຍາ​ສາກົນ​ທ່ີ​ເກືອດ​ຫ້າມ​ໃຊ້​ອາວຸດ​ເຄມີ​ແລະ​ອາວຸດ​ຊີວະ​ຊາດ. ທ່ານ​ຍັງ​ຮຽກຮ້ອງ​ທຸກປະ​ເທດ​​ຕາ​ເວັນ​ອອກ​ກາງ​ຈ່ົງ​ພິຈາລະນາ​ປະລະ​ອາວຸດ​ລ້າງຜານ​ຂະໜາດ​ໃຫຍ່.

ຂ້ໍ​ອ້າງ​ຂ້ໍໜ່ຶງ​ທ່ີ​ອາ​ເມ​ລິ​ກາ​ກໍ່​ສົງຄາມ​ອີຣັກກໍ​ແມ່ນ​ອີຣັກມີ​ອາວຸດ​ລ້າງຜານ​ຂະໜາດ​ໃຫຍ່. ​ແຕ່​ຈົນ​ຮອດ​ປະຈຸ​ບັນ ອາ​ເມ​ລິ​ກາ​ຊອກ​ບໍ່​ເຫັນ​ອາວຸດ​ລ້າງຜານ​ຂະໜາດ​ໃຫຍ່​ໃດໆ​ຢູ່​ອີຣັກ.