|
ສັນນິບາດປະເທດອາລາບຮຽກຮ້ອງໃຫ້ມີການຕອບອັນຕັ້ງໜ້າຕໍ່ການຕັດສິນຂອງສານສາກົນ,ທ່ານຊາລົງອອກຄຳສັ່ງສືບຕໍ່ສ້າງກຳແພງຂັ້ນ
cri
CRIລາຍງານວ່າ:ພາຍຫຼັງສານສາກົນຕັດສິນວ່າອິດສະລະແອນສ້າງກຳແພງຂັ້ນຢູ່ຝັ່ງຕາເວັນຕົກແມ່ນ້ຳຈໍແດນໄດ້ລະເມີດກົດໝາຍລະຫວ່າງຊາດໃນວັນທີ9ກໍລະກົດແລ້ວ,ສັນນິ ບາດປະເທດອາລາບສະແດງຄວາມຊົມເຊີຍຕໍ່ການຕັດສິນດັ່ງກ່າວ.ແຕ່ວ່າ,ທ່ານຊາລົງ ນາຍົກລັດຖະມົນຕີ ອິດສະລະແອນພັດອອກຄຳສັ່ງສືບຕໍ່ສ້າງກຳແພງຂັ້ນຕໍ່ໄປ.
ວັນທີ11ກໍລະກົດ,ສັນນິບາດປະເທດອາລາບຈັດກອງປະຊຸມຜູ່ແທນປະຈຳສຳນັກງານໃຫຍ່ສັນນິບາດປະເທດອາລາບແລະອອກຖະແຫຼງການ,ສະແດງຄວາມຊົມເຊີຍຕໍ່ສານສາ ກົນຕັດສິນອິດສະລະແອນສ້າງກຳແພງຂັ້ນແມ່ນການກະທຳທີ່ຜິດກົດໝາຍ,ກ່າວວ່າ,ການຕັດສິນດັ່ງກ່າວແມ່ນໄຊຊະນະຂອງກົດໝາຍລະຫວ່າງຊາດແລະຫຼັກມາດຖານສາກົນ.ຖະແຫຼງການຍັງຮຽກຮ້ອງບັນດາປະເທດໃນໂລກ ອົງການພາກພື້ນແລະສາກົນຈົ່ງມີການຕອບອັນຕັ້ງໜ້າຕໍ່ການຕັດສິນຂອງສານສາກົນ,ປະຕິເສດບໍ່ຮັບຮອງການປ່ຽນແປງສະ ພາບຕົວຈິງທີ່ເກີດຂຶ້ນຍ້ອນກຳແພງຂັ້ນຂອງອິດສະລະແອນ,ປະຕິເສດໃຫ້ການຊ່ອຍເຫຼືອໃດໆແກ່ການສ້າງຫຼືຮັກສາກຳແພງຂັ້ນ.
ໃນມື້ດຽວກັນ,ທ່ານໂອເບດ ລັດຖະມົນຕີກະຊວງການຕ່າງປະເທດລີບັງເຕືອນໃຫ້ປະເທດອາລາບຍື່ນບັນຫາກຳແພງຂັ້ນໃຫ້ສະພາຄວາມໝັ້ນຄົງສະຫະປະຊາຊາດ,ຊຸກຍູ້ສະພາ ຄວາມໝັ້ນຄົງບັງຄັບອິດສະລະແອນປະຕິບັດການຕັດສິນຂອງສານສາກົນ.ແຕ່ວ່າ,ໃນມື້ດຽວກັນ,ທ່ານຊາລົງ ນາຍົກລັດຖະມົນຕີອິດສະລະແອນພັດໄດ້ຮຽກໄຂກອງປະຊຸມແລະອອກຖະແຫຼງການ,ອອກຄຳສັ່ງໃຫ້ສືບຕໍ່ສ້າງກຳແພງຂັ້ນຕໍ່ໄປ.ທ່ານຊາລົງຍັງກ່າວວ່າຈະນຳໃຊ້ພາຫະນະການຕ່າງປະເທດແລະກົດໝາຍທຸກຢ່າງຂວ້ຳບາດການຕັດສິນຂອງສານສາກົນ.
|
|
