|
ວັນທີ11ກໍລະກົດ,ຢູ່ເດີ່ນຍົນມານີລານະຄອນຫຼວງຟີລິບປິນ,ໂດຍມີທ່ານໂທນັສ
ລັດຖະມົນຕີກະຊວງແຮງງານແລະປະກອບອາຊີບຂອງຟີລິບປິນ(ຂວາ)ເປັນ
ເພື່ອນ,ເມຍຂອງທ່ານຄູຼສ(ກາງ)ກຳມະກອນຟີລິບປິນທີ່ຖືກຜູ່ປະກອບອາວຸດ
ອີຣັກຈີ້ຕົວນັ້ນຍ່າງໄປຫາຍົນ,ຈະຂີ່ຍົນໄປອີຣັກ,ເພື່ອຂໍໃຫ້ຜູ່ປະກອບອາວຸດ
ປ່ອຍຕົວຜົວຂອງລາວ
ຕາມຂ່າວສານຊິນຮວາ,ວັນທີ12ກໍລະກົດ,ເຈົ້າໜ້າທີ່ກະຊວງການຕ່າງປະເທດຟີລິບປິນກ່າວວ່າ,ຜູ່ປະກອບອາວຸດອີຣັກທີ່ລັກພາຕົວກຳມະກອນຟີລິບປິນກ່າວວ່າບໍ່ອາດເປັນໄປໄດ້ທີ່ີ່ຮັບເອົາຄ່າໄຖ່ແລ້ວປ່ອຍຕົວປະກັນທີ່ເຂົາກັກຂັງ.
ເຈົ້າໜ້າທີ່ຜູ່ນີ້ກ່າວວ່າ,ຜູ່ປະກອບອາວຸດອີຣັກໄດ້ຜ່ານຈາກໂທລະພາບອານຈາຊີລາຂ່າວໃຫ້ລັດຖະບານຟີລິບປິນຮູ້ວ່າ,ພວກເຂົາບໍ່ຫ່ອນຈະຖືກຊື້ຈ້າງດ້ວຍເງິນຄຳໄດ້.
ວັນທີ12ກໍລະກົດ,ຜູ່ປະກອບອາວຸດອີຣັກໄດ້ຮຽກຮ້ອງອີກເທື່ອໜຶ່ງໃຫ້ລັດຖະບານຟີລິບປິນໃຫ້ຄຳໝັ້ນສັນຍາພາຍໃນ24ຊົ່ວໂມງວ່າ,ຖອນທະຫານອອກຈາກອີຣັກກ່ອນວັນທີ20ກໍລະກົດ,ຖ້າບໍ່ດ່ັງນັ້ນກໍຈະຂ້າຕົວປະກັນ.ແຕ່ລັດຖະບານຟີລິບປິນຍັງຍຶດໝັ້ນວ່າຈະເຄົາລົບຄຳໝັ້ນສັນຍາສາກົນ,ພາຍຫຼັງກອງກອບກູ້ມະມຸດສະທຳທີ່ປະກອບດ້ວຍ51ຄົນຈຸບກຳນົດໃນວັນທີ20ສິງຫາແລ້ວຈຶ່ງຈະຖອນກັບຄືນ.
|
