ຕາມ​ຂ່າວສານ​ຊິນ​ຮວາ,ວັນ​ທີ14​ກໍລະກົດ,ບໍ​ລິ​ສັດ​ຂົນ​ສົ່ງ​ຫຼັງ​ໜຶ່ງ​ຂອງ​ອາ​ລາ​ບີ​ຊາ​ອູ​ດິດ​ກ່າວ​ວ່າ​ຈະ​ຖອນ​ອອກ​ຈາກ​ອີຣັກ,​ເພື່ອ​ກອບ​ກູ້​ເອົາ​ທ່ານຈາ​ລາ​ບາ​ວີຜູ່​ຂັບ​ລົດ​ກະ​ມິ​ຍົງ​ຂອງ​ບໍລິສັດ​ດັ່ງກ່າວ​ທີ່​ຖືກ​ກອງ​ປະກອບ​ອາວຸດ​ອີຣັກກັກ​ເປັນ​ຕົວ​ປະກັນ.

ທ່ານຈາ​ລາ​ບາ​ວີແມ່ນ​ຄົນ​ເອ​ຢິບ,ປະມານ​ສອງ​ອາທິດ​ກ່ອນ,ທ່ານ​​ໄດ້ຖືກ​ລັກ​ພາ​ຕົວ​ຢູ່​ກາງ​ທາງ​ທີ່​ຂົນ​ສ່ົງ​ວັດຖຸ​ເຊ​ື້ອ​ໄຟ​ຈາກ​ອາ​ລາ​ບີ​ຊາ​ອູ​ດິດ​ໄປ​ອີຣັກ.ວັນ​ທີ13​ກໍລະ​ກົດ,​ອົງການປະ​ກອບ​ອາວຸດ​ອີຣັກທີ່​ຈີ້​ຕົວ​ທ່ານຈາ​ລາ​ບາ​ວີນາບ​ຂູ່​ວ່າ,ຖ້າວ່າ​ບໍລິສັດ​ອາ​ລາ​ບີ​ຊາ​ອູ​ດິດທີ່​ຈ້າງ​ທ່ານຜູ່​ຂັບ​ລົດ​ຜູ່​ນີ້ບໍ່​ຖອນ​ອອກ​ຈາກ​ອີຣັກພາຍ​ໃນ72​ຊົ່ວ​ໂມງ​ແລ້ວ,ພວກ​ເຂົາກໍ​ຈະ​ຂ້າ​ຕົວ​ປະກັນ.