|
ວິທະຍຸສາກົນແຫ່ງປະເທດຈີນລາຍງານວ່າ,ວັນທີ20ກໍລະກົດ,ທ່ານຈີບາລີລັດຖະມົນຕີການຕ່າງປະເທດຂອງລັດຖະບານຊົ່ວຄາວອີຣັກກ່າວວ່າ,ການທີ່ສະຖານະການອີຣັກຊຸດຮ້າຍລົງຈະເກີດມີຜົນສະທ້ອນທາງລົບຕໍ່ພາກພື້ນໂດຍສະເພາະແມ່ນຕໍ່ປະເທດອ້ອມຂ້າງຂອງອີຣັກ,ທ່ານຮຽກຮ້ອງໃຫ້ປະເທດໃກ້ຄຽງຊ່ວຍອີຣັກບັນລຸຄວາມປອດໄພແລະສະຖຽນລະພາບ.
ວັນທີ20ກໍລະກົດ,ທ່ານຈີບາລີເດີນທາງໄປຮອດເລີແກ,ກຽມເຂົ້າຮ່ວມກອງປະຊຸມລັດຖະມົນຕີການຕ່າງປະເທດຂອງປະເທດອ້ອມຂ້າງອີຣັກຄັ້ງທີ6ທີ່ຈະຈັດຂຶ້ນໃນວັນທີ21ກໍລະກົດ,ເມື່ອຮອດເລີແກແລ້ວ,ທ່ານຈີບາລີກ່າວວ່າ,ສະຖານນະການອີຣັກໃນສະເພາະໜ້າຂ້ຽວຂາດທີ່ສຸດ,ຄັນອາໄສແຕ່ກຳລັງຂອງອີຣັກຈະສະກັດກັ້ນເຫດການກຳລັງຮຸນແຮງບໍ່ໄດ້.ສະນັ້ນ,ຈິ່ງຕ້ອງການກຳລັງພາກພື້ນແລະສາກົນໃຫ້ການສະໜັບສະໜູນແກ່ອີຣັກ.
ທ່ານຈີບາລີກ່າວວ່າ,ກອງປະຊຸມລັດຖະມົນຕີການຕ່າງປະເທດຂອງປະເທດອ້ອມຂ້າງອີຣັກຄັ້ງທີ6ໄດອຳນວຍໂອກາດໃຫ້ແກ່ອີຣັກແລະປະເທດໃກ້ຄຽງຈັດການຫາລືກັນຢ່າງກົງໄປກົງມາ,ມີໄມຕິຈິດແລະໂປ່ງໃສ.ປະເທດໃກ້ຄຽງອີຣັກຄວນດຳເນີນການຮ່ວມມືຢ່າງຕິດແທດຕົວຈິງແລະບັງເກີດຜົນກັບລັດຖະບານຊົ່ວຄາວອີຣັກ.ທ່ານກ່າວລື້ມວ່າ,ໃຕ້ສະຖານະການໃນສະເພາະໜ້າ,ການຮຽກຮ້ອງໃຫ້ຖອນກອງທະຫານຕ່າງປະເທດອອກຈາກອີຣັກນັ້ນແມ່ນບໍ່ຕິດແທດຕົວຈິງ.
|
