|
ທ່ານຊີບາລີ ລັດຖະມົນຕີການຕ່າງປະເທດຂອງລັດຖະບານຊ່ົວຄາວຂອງອີຣັກທ່ີ
ມາເຂົ້າຮ່ວມກອງປະຊຸມລັດຖະມົນຕີການຕ່າງປະເທດຂອງປະເທດອ້ອມຂ້າງອີຣັກ
ຕ້ອນຮັບການສຳພາດຂອງນັກຂ່າວ
ວິທະຍຸສາກົນແຫ່ງປະເທດຈີນລາຍງານວ່າ: ກອງປະຊຸມລັດຖະມົນຕີການຕ່າງປະເທດຂອງປະເທດອ້ອມຂ້າງອີຣັກຄັ້ງທີ 6 ທີ່ໄຂຂຶ້ນຢູ່ເລີແກເປັນເວລາມື້ໜຶ່ງນັ້ນໄດ້ອັດລົງໃນວັນທີ 21 ກໍລະກົດ. ລັດຖະມົນຕີການຕ່າງປະເທດຂອງບັນດາປະເທດທີ່ຮ່ວມປະຊຸມໄດ້ກ່າວລື້ມການສະໜັບສະໜູນລັດຖະບານຊົ່ວຄາວຂອງອີຣັກ.ຖະແຫຼງການສຸດທ້າຍທີ່ກອງປະຊຸມປະກາດນັ້ນຂຽນວ່າ,ບັນດາລັດຖະມົນຕີການຕ່າງປະເທດຂອງປະເທດອ້ອມຂ້າງອີຣັກສະແດງຄວາມເປັນຫ່ວງນຳສະຖານະການອີຣັກທີ່ບໍ່ມີສະຖຽນລະພາບແລະຜົນສະທ້ອນທາງລົບທີ່ມີຕໍ່ຂະບວນການກໍ່ສ້າງການເມືອງຂອງອີຣັກຄືນໃໝ່. ບັນດາຝ່າຍທີ່ຮ່ວມປະຊຸມຊົມເຊີຍຂໍ້ສະເໜີຂອງຝ່າຍອີຣັກກ່ຽວກັບການໄຂກອງປະຊຸມປະສານງານຂອງລັດຖະມົນຕີກະຊວງພາຍໃນຂອງປະເທດອ້ອມຂ້າງອີຣັກ,ເພື່ອຫາລືສະຖານະການຄວາມປອດໄພຂອງອີຣັກ.ລັດຖະມົນຕີການຕ່າງປະເທດຂອງບັນດາປະເທດຍັງໄດ້ກ່າວເນັ້ນວ່າບໍ່ແຊກແຊງວຽກງານພາຍໃນຂອງອີຣັກແລະຄວາມສຳຄັນຂອງສະຫະປະຊາຊາດທີ່ເສີມຂະຫຍາຍບົດບາດແກນກາງໃນຂະບວນການສ້າງສາອີຣັກຄືນໃໝ່.
|
