|
ຊີເລຍກ່າວວ່າ,ກອງທະຫານນານາຊາດຖອນອອກຈາກອີຣັກມີຜົນດີຕໍ່ການສິ້ນສຸດກຳລັງຮຸນແຮງຢູ່ອີຣັກ
cri
CRIລາຍງານວ່າ:ວັນທີ23ກໍລະກົດ,ໃນເວລາເຈລະຈາກັບທ່ານອາລາວີ ນາຍົກລັດຖະມົນຕີລັດຖະບານຊົ່ວຄາວອີຣັກທີ່ໄປຢ້ຽມຢາມ,ທ່ານໂອຕຼີ ນາຍົກລັດຖະມົນຕີຊີເລຍຊີ້ອອກວ່າ, ກອງທະຫານນານາຊາດຖອນອອກຈາກອີຣັກຈະມີຜົນດີຕໍ່ການສິ້ນສຸດການເຄື່ອນໄຫວກຳລັງຮຸນແຮງຢູ່ອີຣັກ.
ທ່ານໂອຕຼີດເວົ້າວ່າ,ການຖອນທະຫານຍຶດຄອງອອກຈາກອີຣັກແມ່ນປັດໄຈອັນສຳຄັນທີ່ຊ່ອຍອີຣັກສິ້ນສຸດການວຸ້ນວາຍດ້ານການເມືອງ ການລອບສັງຫານແລະກຳລັງຮຸນແຮງ,ທັງມີຜົນດີຕໍ່ຄວາມປອດໄພແລະສະຖຽນລະພາບຂອງພາກພື້ນແຫ່ງນີ້.ທ່ານເວົ້າວ່າ,ໃນຍາມປະສົບຄວາມຫຍຸ້ງຍາກໃນປະຈຸບັນນີ້,ຊີເລຍສະໜັບສະໜູນປະຊາຊົນອີຣັກປົກປັກຮັກສາຜືນແຜ່ນດິນອັນຄົບຖ້ວນແລະຟື້ນຟູອະທິປະໄຕທັງໝົດ,ແລະຈະສະໜອງການຊ່ອຍເຫຼືອດ້ານການເມືອງແລະເສດຖະກິດໃຫ້ອີຣັກ.ທ່ານໂອຕຼີດກ່າວລື້ມວ່າ,ຊີເລຍຍິນດີເພີ່ມທະວີການຮ່ວມມືກັບອີຣັກໃນທຸກຂົງເຂດ.
|
|
