|
CRIລາຍງານວ່າ,ວັນທີ24ກໍລະກົດ,ປະເທດຈຳນວນໜື່ງສືບຕໍ່ທຳຄວາມພະຍາຍາມເພື່ອກອບກູ້ເອົາຕົວປະກັນຂອງເອຢິບ,ອິນເດຍແລະຂອງປະເທດອື່ນໆທີ່ຖືກຜູ່ປະກອບອາວຸດອີຣັກລັກພາຕົວ.
ວັນທີ24ກໍລະກົດ,ທ່ານອາບູແກັດ ລັດຖະມົນຕີການຕ່າງປະເທດເອຢິບແລະທ່ານຮາມິດ ອາ ປາຢາທີ ຮອງລັດຖະມົນຕີການຕ່າງປະເທດຂອງລັດຖະບານຊ່ົວຄາວອີຣັກຕ່າງໄດ້ກ່າວວ່າ,ສອງປະເທດພວມພະຍາຍາມກອບກູ້ເອົາຜູ່ຂັບລົດກາມີຍົງຜູ່ໜ່ຶງແລະເຈົ້າໜ້າທີ່ການທູດຜູ່ໜຶ່ງຂອງເອຢິບທີ່ຖືກຜູ່ປະກອບອາວຸດອີຣັກລັກພາຕົວ.ໃນມື້ດຽວກັນ,ທ່ານຊີງ ລັດຖະມົນຕີການຕ່າງປະເທດອິນເດຍກໍກ່າວວ່າ,ລັດຖະບານອິນເດຍພວມອອກແຮງສຸດຂີດກອບກູູ້ຊາວອິນເດຍສາມຄົນທີ່ຖືກລັກພາຕົວຢູ່ອີຣັກ.
ນອກນີ້,ຕາມຂ່າວແຈ້ງວ່າ,ວັນທີ24ກໍລະກົດ,ພາຍຫຼັງທ່ານລັຟລົຟ ລັດຖະມົນຕີການຕ່າງປະເທດລັດເຊຍແລະທ່ານຈີບາລີ ລັດຖະມົນຕີການຕ່າງປະເທດລັດຖະບານຊົ່ວຄາວອີຣັກຈັດການເຈລະຈາແລ້ວ,ທ່ານຢາໂຄແວນໂຄ ໂຄສົກກະຊວງການຕ່າງປະເທດລັດເຊຍກ່າວລື້ມວ່າ,ລັດເຊຍບໍ່ມີແຜນການທີ່ຈະສົ່ງກອງທະຫານຮັກສາສັນຕິພາບໄປອີຣັກ.ໃນມື້ດຽວກັນ,ທ່ານລາຊິດ ລັດຖະມົນຕີກະຊວງຖະແຫຼງຂ່າວແລະການພັດທະນາສື່ມວນຊົນປາກີສະຖານກ່າວເນັ້ນວ່າ,ໃນບັນຫາສ່ົງທະຫານໄປອີຣັກ,ລັດຖະບານປາກີສະຖານຈະວາງຜົນປະໂຫຍດແຫ່ງຊາດແລະຜົນປະໂຫຍດຂອງປະເທດໄວ້ຢູ່ໃນຖານະອັນດັບໜຶ່ງ.
|
