ໜັງສືພິມ​ເວິນ​ຮຸ້ຍປ້າວ​ຂອງ​ຮົງ​ກົງ​ລາຍ​ງານ​ວ່າ,ຜູ່​ຊ່ຽວຊານ​ແລະ​ນັກປາດ​ຈີນ​ແລະ​ຕ່າງປະ​ເທດ​ຮ້ອຍ​ກວ່າ​ຄົນ​ຂອງ​​ໂຮງ​ຮຽນ​ຊັ້ນ​ສູງ​ຕ່າງໆ​ຂອງອາ​ເມ​ລິ​ກາ​ເຊັ່ນ​ມະຫາວິທະຍາ​ໄລ​ຮາ​​​ເວີ​ດ(Harvard) ພາກ​ຕາ​ເວັນ​ອອກ​ອາ​ເມ​ລິ​ກາ ​ແລະ​ສະ​ຖາ​ບັນ​ເຕັກ​ໂນ​ໂລ​ຢີມາ​ຊາ​ຊູ​ແຊັດ(Massachusetts Institute of Technology)​ເປັນ​ຕົ້ນ​ໄດ້​ຈັດການ​ເຄື່ອນ​ໄຫວ​ຕາມໆ​ກັນ​ໃນ​ຫວ່າງ​ມໍ່ໆ​ນີ້,ລະ​ລຶກວັນ​ຄ້າຍ​ວັນ​ເກີດ​ຂອງ​ທ່ານ​ເຕິ​້ງສຽງ​ຜິ​ງຄົບຮອບ100ປີຢ່າງ​ຄຶກຄື້ນ,​ອາ​ໄລ​ຫາຄຸນງາມຄວາມດີ​ອັນ​ຍິ່ງ​ໃຫຍ່​ຂອງ​ທ່ານ​ເຕິ້​ງສຽວ​ຜິ​ງ.

ສະຖານ​ທີ່​ງານ​ສົນທະນາ​ລະ​ລຶກຂອງ​ມະຫາວິທ​ະຍາ​​ໄລ​ຮາ​​​ເວີ​ດ​ມີ​ບັນຍາກາດ​​ເຄັ່ງຂຶມ​ທີ່​ສຸດ.ຢູ່​ສະຖານ​ທີ່​ປະຊຸມ​ໄດ້​ປັກ​ທຸງຊາດ​ຈີນ​ແລະ​ອາ​ເມ​ລິ​ກາ,ຢູ່​ສອງ​ຂ້າງທຸງຊາດ​ຕ່າງ​ມີໜ້າ​ຈໍ​ໜ່ວຍ​ໜຶ່ງ,ຜູ່​ຮ່ວມ​ປະຊຸ​ມສາມາດ​ເບິ່ງ​ຄຳ​ອະທິບາຍ​ດ້ວຍ​ພາສາ​ອັງກິດ​ແລະ​ພາສາ​ຈີນ​ແລະ​ຮູບ​ພາບ​ຢູ່​ເທິງ​ໜ້າ​ຈໍ.ຢູ່​ອ້ອມ​ແອ້ມສະຖານ​ທີ່​ປະຊຸມ​ໄດ້​ວາງ​ກະດານ​ໃຫຍ່​4​ແຜ່ນ,ວາງສະ​ແດງ​ຮູບ​ຖ່າຍ​ຍອດ​ຢ້ຽມ​ເກືອບ200​ໃບ​ຂອງ​ທ່ານ​ເຕິ້ງ​ສຽວ​ຜິ​ງ​ໃນ​ໄລຍະ​ປະຫວັດ​ຕ່າງໆ.