|
ຕາມຂ່າວCRI,ວັນທີ12ສິງຫາ,ຢູ່ໃຕ້ການຄຸ້ມກັນຂອງຍົນລົບ,ກອງທະຫານອາເມລິກາປະຈຳອີຣັກໄດ້ເປີດການບຸກໂຈມຕີຢ່າງຂະໜາດໃຫຍ່ຕໍ່ກອງປະກອບອາວຸດນະກາຍຊີອິດຕ້ານອາເມລິກາໃນເມືອງນາຈາຟເມືອງສັກກາລະບູຊາຂອງຊາວມຸສລິມນິກາຍຊີອິດຂອງອີຣັກ.
ຕາມຜູ່ເຫັນກັບຕາກ່າວວ່າ,ວັນທີ12ສິງຫາ,ກອງທະຫານອາເມລິກາໄດ້ຖິ້ມລະເບີດຢ່າງຮຸນແຮງໃສ່ເຂດມໍ່ປ່າຊ້າສັກສິດເຊິ່ງເປັນບ່ອນລີ້ຕົວຂອງຜູ່ສະໜັບສະໜູນທ່ານຊາດ໌ຜູ່ນຳນິກາຍຊີອິດຕ້ານອາເມລິກາ.ກອງທະຫານອາເມລິກາຍັງໄດ້ອັດຕັນເສັ້ນທາງໃນເມືອງນາຈາຟທັງໝົດທີ່ໄປຫາປ່າຊ້າສັກສິດແລະສຸເຫຼົ່າອາລີບ່ອນສັກກາລະບູຊາຂອງນິກາຍຊີອິດ.ຜູ່ສະໜັບສະໜູນທ່ານຊາດ໌ກໍໄດ້ຕ່າວໂຈມຕີຄືນ,ຫຼອນໂຈມຕີທີ່ໝັ້ນຂອງກອງທະຫານອາເມລິກາ.ມີຂ່າວແຈ້ງວ່າ,ໄດ້ມີໄທເມືອງນາຈາຟຫຼາຍພັນຄົນພັດພາກຈາກເມືອງດ່ັງກ່າວ.
|
