|
ຕາມຂ່າວCRI: ວັນທີ 14 ສິງຫານີ້ ບຸກຄົນທ່ີມີຊ່ືສຽງ 100 ກວ່າຄົນຂອງປາເລັສຕິນໄດ້ຮ່ວມກັນປະກາດສານຮຽກຮ້ອງ, ໃຫ້ອົງການອຳນາດແຫ່ງຊາດປາເລັສຕິນດຳເນີນການປະຕິຮູບ, ເຮັດໃຫ້ສະພາບການວຸ້ນວາຍໃນສະເພາະໜ້າສິ້ນສຸດລົງແລະກຳຈັດການຊຸດໂຊມເປ່ຶອຍເຍ່ືອຍຢ່າງບັງເກີດຜົນ.
ບຸກຄົນທ່ີມີຊ່ືສຽງຂອງປາເລັສຕິນ 129 ຄົນເຊ່ິງລວມທັງລັດຖະມົນຕີລັດຖະບານແລະກຳມະການນິຕິບັນຍັດເປັນຕົ້ນໄດ້ລົງນາມໃນສານຮຽກຮ້ອງ. ສານຮຽກຮ້ອງຍັງຮຽກຮ້ອງໃຫ້ທ່ານອາລາຟັດ ປະທານອົງການອຳນາດແຫ່ງຊາດປາເລັສຕິນໃຫ້ຄະນະລັດຖະບານມີອຳນາດຫຼາຍກວ່າເກົ່າ.
ນອກນີ້ຂ່າວແຈ້ງວ່າ, ວັນທີ 14 ສິງຫານີ້ ໃນເວລາໃຫ້ສຳພາດຕໍ່ສ່ືມວນຊົນປາເລັສຕິນ, ທ່ານນາບິນ ຊາອັດ ລັດຖະມົນຕີການຕ່າງປະເທດຂອງລັດຖະບານປາເລັສຕິນປົກຄອງຕົນເອງກ່າວວ່າ, ລັດຖະບານເອຢິບກັບບັນດາຝ່າຍປາເລັສຕິນ ໂດຍສະເພາະແມ່ນສອງພັກຝ່າຍໃຫຍ່ຄື ຂະບວນການຕໍ່ຕ້ານຂອງອິສລາມປາເລັສຕິນຄືອົງການຮາມາສ ແລະອົງການອິສລາມິກ ຈີຮາດ ໄດ້ກ້າວເຖິງຂັ້ນເຫັນອົກເຫັນໃຈກັນກ່ຽວກັບບັນຫາຄວາມປອດໄພແລະເອກະພາບຂອງຊາດປາເລັສຕິນພາຍຫຼັງອິສລາແອນຖອນອອກຈາກແຖບກາຊາແລ້ວ.
|
