|
|
 |
| (GMT+08:00)
2004-08-15 17:14:24
|
 |
|
ກອງປະຊຸມການເມືອງແຫ່ງຊາດອີຣັກຈັດຂຶ້ນມື້ນີ້ ການເຈລະຈາລະຫວ່າງລັດຖະບານຊົ່ວຄາວກັບຜູ່ຕາງຫນ້າຂອງທ່ານຊາດ໌ຫລົ້ມເຫລວ
cri
ຕາມຂ່າວ CRI: ວັນທີ 14 ສິງຫາ ຄະນະກຳການກະກຽມກອງປະຊຸມການເມືອງແຫ່ງຊາດພັນຄົນອີຣັກເວົ້າວ່າ, ເຖິງວ່າການປະທະກັນດ້ວຍກຳລັງຮຸນແຮງທ່ີເກີດຂຶ້ນຢູ່ບາງເຂດຂອງນິກາຍຊີອິດອີຣັກຍັງບໍ່ທັນສະຫງົບລົງເທື່ອ,ແຕ່ກອງປະຊຸມການເມືອງແຫ່ງຊາດພັນຄົນອີຣັກກໍ່ຍັງຕົກລົງໄຂຂຶ້ນໃນຕອນເຊົ້າວັນທີ 15 ເວລາ 11 ໂມງ ເວລາທ້ອງຖີ່ນ.
ທ່ານມາຊຸມ ປະທານຄະນະກຳມະການກຽມຈັດກອງປະຊຸມກ່າວວ່າ, ກອງປະຊຸມເທື່ອນີ້ແມ່ນໂອກາດດີສຳລັບ່ີຫາລືບັນຫາທ່ີອີຣັກປະເຊີນໃນສະເພາະຫນ້າແລະຊອກຫາວິທີແກ້ໄຂ.
ທ່ານມາຊຸມໄດ້ເຊີນທ່ານຊາດ໌ ຜູ່ນຳຝ່າຍຕ້ານອາເມລິກາຂອງມຸສ ລິມນິກາຍຊີອິດອີຣັກເຂົ້າຮ່ວມກອງປະຊຸມ,ແຕ່ທ່ານຊາດ໌ໄດ້ປະຕິເສດການເຊື້ອເຊີນດ່ັງກ່າວ.ມື້ດຽວກັນ ຢູ່ເມືອງນາຈັຟ ເມືອງສັກສິດຂອງນິກາຍຊີອິດອີຣັກ, ທ່ານລູບາອີ ທ່ີປຶກສາຄວາມປອດໄພແຫ່ງຊາດອີລັກເວົ້າວ່າ, ການເຈລະຈາລະຫວ່າງລັດຖະບານຊົ່ວຄາວກັບຜູ່ຕາງຫນ້າຂອງທ່ານຊາດ໌ໄດ້ຫລົ້ມເຫລວໃນມື້ດຽວກັນ.ທ່ານເວົ້າວ່າ, ເພື່ອປົກປັກຮັກສາກົດຫມາຍແລະຄວາມເປັນລະບຽບຮຽບຮ້ອຍ,ລັດຖະບານຊົ່ວຄາວຂອງອີຣັກຈະຟື້ນຟູການເຄື່ອນໄຫວທາງການທະຫານຢູ່ເມືອງນາຈັຟ.
|
|
|
