|
ຕາມຂ່າວcri,ວັນທີ15ສິງຫາ, ,ກອງປະຊຸມການເມືອງແຫ່ງຊາດພັນຄົນຂອງອີຣັກໄດ້ຈັດຂຶ້ນຢູ່ແບກແດດ,ຜູ່ແທນປະມານ1300ຄົນທີ່ມາຈາກວົງການຕ່າງໆໃນສັງຄົມອີຣັກໄດ້ເຂົ້າຮ່ວມກອງປະຊຸມເທື່ອນີ້.
ທ່ານຢາວາປະທານາທິດໍດີລັດຖະບານຊົ່ວຄາວຂອງອີຣັກໄດ້ກ່າວສູນທອນພົດໃນພິທີໄຂກອງປະຊຸມ,ທ່ານຄາຊີຜູ່ຕາງໜ້າພິເສດກ່ຽວກັບບັນຫາອີຣັກຂອງສະຫະປະຊາຊາດກໍໄດ້ເຂົ້າຮ່ວມກອງປະຊຸມແລະກ່າວຄຳປາໄສ.
ຜູ່ແທນເພດທີ່ຮ່ວມປະຊຸມເທື່ອນີ້ກວມ25%.ຝ່າຍຊາດ໌ຜູ່ນຳມຸສລິມນິກາຍຊີອິດທີ່ຕ້ານອາເມລິກາແລະຝ່າຍສະພາຜູ່ອາວຸໂສມຸສລິມນິກາຍຊຸນນີໄດ້ປະຕິເສດເຂົ້າຮ່ວມກອງປະຊຸມ,ໃນກອງປະຊຸມ3ມື້ດັ່ງກ່າວຈະເລືອກຕັ້ງສະພາແຫ່ງຊາດຊົ່ວຄາວອີຣັກທີ່ປະກອບດ້ວຍ100ຄົນ.ຮັບຜິດຊອບຕິດຕາມກວດກາວຽກງານຂອງລັດຖະບານຊົ່ວຄາວຂອງອີຣັກກ່ອນການເລືອກຕັ້ງທົ່ວໄປທີ່ຈະຈັດຂຶ້ນໃນເດືອນມັງກອນປີ2005.
ວັນທີ15ສິງຫາ,ກະຊວງພາຍໃນຂອງອີຣັກປະກາດວ່າ,ເພື່ອຮັບປະກັນໃຫ້ກອງປະຊຸມດຳເນີນໄປຢ່າງສະດວກດ້ວຍຄວາມປອດໄພທາງຮ່າງກາຍຂອງຜູ່ຮ່ວມປະຊຸມ,ໃນໄລຍະປະຊຸມ,ເຂດສ່ວນໜຶ່ງໃຈກາງເມືອງຈະຫ້າມສັນຈອນມື້ລະ8ຊົ່ວໂມງທຸກມື້.
ເຖິງວ່າໄດ້ປ້ອງກັນຢ່າງເຄັ່ງຄັດ,ແຕ່ວັນທີ15ສິງຫາ,ຢູ່ມໍ່ສະຖານທີ່ປະຊຸມຍັງຖືກຫຼອນໂຈມຕີດ້ວຍປືນຄົກ.ຢ່າງໜ້ອຍມີ1ຄົນເສຍຊີວິດ,5ຄົນບາດເຈັບ.ນອກນີ້,ການປະທະດ້ວຍກຳລັງຮຸນແຮງຢູ່ເຂດສ່ວນໜຶ່ງຂອງອີຣັກກໍຍັງບໍ່ທັນຖືກລະງັບລົງເທື່ອ.ວັນທີ15ສິງຫາ,ກອງທະຫານໂຮນລັງແລະກອງທະຫານອຸຍແກຼນປະຈຳອີຣັກຕ່າງຖືກຫຼອນໂຈມຕີ,ຕ່າງມີທະຫານຜູ່ໜຶ່ງເສຍຊີວິດ.ໃນມື້ດຽວກັນ,ກອງທະຫານອາເມລິກາປະຈຳອີຣັກໄດ້ປິດລ້ອມເມືອງນາຈາຟ ເມືອງສັກກາລະບູຊານິກາຍຊີອິດຢູ່ພາກໃຕ້ອີຣັກຄືນໃໝ່.ແລະໄດ້ຫຼອນໂຈມຕີເມືອງຟາລູຈາອີກເທື່ອໜຶ່ງ,ເຮັດໃຫ້ຄົນຕາຍແລະບາດເຈັບເປັນຈຳນວນຫຼວງຫຼາຍ.
|
