ຕາມ​ຂ່າວ​ສານ​ຊິນ​ຮວາ,ວັນ​ທີ19​ສິງ​ຫາ,ທ່ານ​ໂດ​ເດີ​ລັດຖະມົນຕີ​ການ​ຕ່າງປະ​ເທດ​ອົສຕຼາລີ​ທີ່​ຫາ​ກໍ​່ສິ້ນ​ສຸດ​ການ​ຢ້ຽມຢາມ​ສ.ປ.ປ.​ເກົາຫຼີ​ ກ່າວ​ວ່າ,ທ່ານ​ເຫັນ​ໄປ​ໃນ​ແງ່​ດີ​ຕໍ່​ອະນາຄົດ​ຂອງ​ການ​ເຈລະ​ຈາ​ຫົກ​ຝ່າຍ​ກ່ຽວ​ກັບ​ບັນຫາ​ນີວ​ເຄຼຍ​ແຫຼມ​ເກົາຫຼີ.​ແຕ່​ການ​ແກ້​ໄຂ​ບັນຫາ​ນີວ​ເຄຼຍຂອງ​ແຫຼມ​ເກົາຫຼີ​ຕ້ອງ​ການ​ເວລາ.

ແຕ່ວັນ​ທີ17​ຫາ​ວັນ​ທີ18​ສິງຫາ​ນີ້,ທ່ານ​ໂດ​ເນີ​ໄດ້​ຢ້ຽມຢາມ​ສ.ປ.ປ.​ເກົາຫຼີ.ທ່ານ​ໄດ້​ເວົ້າ​ຕໍ່​ນັກ​ຂ່າວ​ອົສຕຼາລີ​ທີ່​ຕິດຕາມ​ທ່ານ​ວ່າ,​ໃນ​ໄລຍະ​ຢ້ຽມຢາມ,ທ່ານ​ໄດ້​ຊີ້​ອອກຕໍ່​ຝ່າຍ​ສ.ປ.ປ.​ເກົາຫຼີ​ວ່າ,ບັນຫາ​ນີວ​ເຄຼຍ​ແຫຼມ​ເກົາຫຼີ​ບໍ່​ພຽງ​ແຕ່​ແມ່ນ​ເລ່ື່ອງຂອງ​ສ.ປ.ປ​.​ເກົາຫຼີ​​ແລະ​ອາ​ເມ​ລິ​ກາ​ເທົ່າ​ນັ້ນ.​ແລະ​ກໍ​ແມ່ນ​ເລ​່ືອງກ່ຽວ​ພັນ​ເຖິງ​ຄວາມ​ປອດ​ໄພ​ຂອງ​ພາກ​ພື້ນ​ກໍ​ຄື​ຂອງ​ຂອບ​ເຂດ​ຍິ່ງ​ກວ້າງ​ກວ່າ.ຝ່າຍ​ທີ່​ກ່ຽວຂ້ອງ​ຄວນ​ກຳ​ໂອກາດ​ການ​ເຈ​ລະ​ຈາ​ຫົກ​ຝ່າຍ,ສະ​ແຫວ​ງຫາ​ວິທີ​ແກ້​ໄຂ.

ທ່ານ​ໂດ​ເນີສະ​ເໜີ​ໃຫ້​ຝ່າຍ​ສ.ປ.ປ.​ເກົາຫຼີ​ສະ​ແຫວ​ງຫາ​ຈຸດ​ຮ່ວມ​ຢ່າງ​ເຕັມທີ່​​ໃນ​ການ​ເຈລະຈາ​ຫົກ​ຝ່າຍ​ຮອບ​​ໃໝ່,ສ້າງ​ພື້ນຖານ​ອັນ​ດີ​ໃຫ້​ແກ່​ກາ​ນ​​ແກ້​ໄຂ​ບັນຫາ.