ຕາມ​ຂ່າວສານ​ຊິນ​ຮວາ,ວັນ​ທີ20​ສິງຫາ,ສຳນັກງານ​ພາກ​ພື້ນປາຊີ​ຟິກຕາ​ເວັນ​ຕົກ​ຂອງ​ອົງການ​ອະນາ​ໄມ​​ໂລກ​ທີ່​ຕັ້ງ​ຢູ່​ມາ​ນີລາ​ອອກ​ຖະ​ແຫຼງການ​ວ່າ​ເອົາ​ໃຈ​ໃສ່​ນຳ​ມາ​ເລ​ເຊຍ​ປະກົດ​ມີ​ເຊື້ອ​ພະ​ຍາດໄຂ້ຫວັດ​ສັດ​ປີກ.

ຖະ​ແຫຼ​ງການ​ກ່າວ​ວ່າ,ມາ​ເລ​ເຊຍ​ປະກົດ​ມີ​ເຊື້ອ​ພະຍາດໄຂ້ຫວັດ​ສັດ​ປີກH5N1ປະ​ເພດ​ຮ້າຍ​ແຮງ​ເທື່ອ​ນີ້​ໄດ້​ສະ​ແດງ​​ໃຫ້​ເຫັນ​ອີກ​ເທື່ອ​ໜຶ່ງ​ວ່າ,​ເຊື້ອ​​ໄວລາສ໌ດັ່ງກ່າວ​ແມ່ນດັບ​ສູນ​ຍາກ​ທີ່​ສຸດ​ຢູ່​ພາກ​ພື້ນ​ອາຊີ​ອາ​ຄະ​ເນ.ການ​ດັບ​ສູນ​ເຊື້ອ​ພະຍາດໄຂ​້ຫວັດ​ສັດ​ປີກ​​ໃຫ້​ໝົດ​ກ້ຽວ​ນັ້ນ​ຈະ​ເປັນ​ການ​ຕໍ່​ສູ້​ທີ່​ເວລາຍາວນານ​ແລະ​ລຳ​ບາກ​ກາກ​ກຳ​ຮອບ​ໜຶ່ງ.

ວັນ​ທີ19​ສິງຫາ,​ເຈົ້າ​ໜ້າ​ທີ່​ມາ​ເລ​ເຊຍ​ລາຍ​ງານ​ຕໍ່​ອົງການ​ອະນາ​ໄມ​ໂລກ​ຢ່າງ​ເປັນ​ທາງ​ການ​ວ່າ,ຢູ່ບ້ານ​ແຫ່ງ​ໜຶ່ງ​ຂອງ​ລັດ​ເຄ​ແລນ​ແທນ​ຂອງ​ມາ​ເລ​ເຊຍ​ທີ່​ມໍ່​ກັບ​ຊາຍ​ແດນ​ໄທ​ໄດ້​ປະກົດ​ມີ​ສັດ​ປີກ​ລ້ຽງ​ຕິດ​ເຊື້ອ​ພະຍາດໄຂ້ຫວັດ​ສັດ​ປີກH5N1.