|
|
 |
| (GMT+08:00)
2004-08-24 21:21:52
|
|
ປາເລັສຕີນຮຽກຮ້ອງໃຫ້ສະຫະປະຊາຊາດເອົາໃຈໃສ່ນຳບັນຫານັກໂທດຂອງປາເລັສຕີນ
cri
ຕາມຂ່າວສານຊີນຮວາ: ວັນທີ 24 ສິງຫາຢູ່ລາມາລາ, ເຈົ້າໜ້າທີ່ລັດຖະບານປາເລັສຕີນປົກຄອງຕົນເອງກ່າວວ່າ, ຝ່າຍປາເລັສຕີນຮຽກຮ້ອງໃຫ້ສະມັດຊາດໃຫຍ່ສະຫະປະຊາຊາດເອົາໃຈໃສ່ນຳສະພາບຊີວິດການເປັນຢູ່ຂອງຊາວປາເລັສຕີນຫລາຍພັນຄົນທີ່ຖືກກັກຂັງຢູ່ອິດສະລາແອນ.
ເຈົ້າໜ້າທີ່ຜູ່ນີ້ກ່າວວ່າ, ທ່ານອານ ກິດວາ ນັກສັງເກດການຂອງປາເລັສຕີນປະຈຳສະຫະປະຊາຊາດຈະຍື່ນເອກະສານສະບັບໜຶ່ງກ່ຽວກັບຊາວປາເລັສຕີນທີ່ຖືກກັກຕົວຢູ່ອິດສະລາແອນນັ້ນໃຫ້ສະມັດຊາໃຫຍ່ສະຫະປະຊາຊາດ. ໃນເອກະສານດັ່ງກ່າວ, ຝ່າຍປາເລັສຕີນໄດ້ຮຽກຮ້ອງໃຫ້ສະຫະປະຊາຊາດທຳມະຕິຕົກລົງ, ທວງໃຫ້ອິດສະລາແອນປົວແປງເງື່ອນໄຂໃນຄຸກໃຫ້ດີຂຶ້ນ.
ແຕ່ວັນທີ 15 ສິງຫາເປັນຕົ້ນມາ, ຊາວປາເລັສຕີນ 1500 ກວ່າຄົນທີ່ຖືກກັກຕົວຢູ່ອິດສະລາແອນເລີ່ມອົດອາຫານ, ປະທ້ວງອິດສະລາແອນປະຕິບັດຕໍ່ພວກເຂົາເຈົ້າແບບໄຮ້ມະນຸດສະທຳ, ຮຽກຮ້ອງໃຫ້ປົວແປງເງື່ອນໄຂໃນຄຸກໃຫ້ດີຂຶ້ນ.
|
|
|
