CRIລາຍ​ງານ​ວ່າ:ວັນ​ທີ27​ສິງຫາ,ໂທລະພາບ​ອານ ຈາ​ຊີ​ລາ​ຂອງ​ກາ​ຕາ​ແຈ້ງ​ຂ່າວ​ວ່າ,ວັນ​ທີ26​ສິງຫາ,ທ່ານ​ເອັນ​ໂຊ ບານ​ໂດ​ນີ ນັກ​ຂ່າວ​ອີ​ຕາ​ລີ​ທີ່​ຖືກ​ຜູ່​ປະກອບ​ອາວຸດ​ອີຣັກ​ລັກ​ພາ​ຕົວ​ນັ້ນ​ໄດ້​ຖືກ​ຂ້າ​ຕາຍ.

ຕາມ​ຂ່າວ​ແຈ້ງວ່າ,ທ່ານ​ເອັນ​ໂຊ ບານ​ໂດ​ນີປາ​ນີ້​ອາຍ​ຸ56ປີ,​ແມ່ນ​ຖືກ​ຜູ່​ປະກອບ​ອາວຸດ​ອີ​ຣັກ​ລັກ​ພາ​ຕົວ​ໃນ​ເວລາ​ສຳພາດ​ຢູ່​ອີຣັກ​ເມື່ອ​ວັນ​ທີ20​ສິງຫາ.ຜູ່​ລັກ​ພາ​ຕົວ​ທວງ​ໃຫ້​ລັດ​ຖະ​ບານ​ອີ​ຕາ​ລີ​ປະກາດ​ຖອນ​ທະຫານ​ອອກ​ຈາກ​ອີ​ຣັກພາຍ​ໃນ48​ຊົ່ວ​ໂມງ,ຖ້າ​ບໍ່​ດັ່ງ​ນັ້ນ​ກໍ​ຈະ​ຂ້າ​ຕົວ​ປະກັນ​ຕາຍ.ລັດ​ຖະ​ບານ​ອີ​ຕາ​ລີ​ໄດ້​ປະຕິ​ເສດ​ຄຳ​ທວງຖອນ​ທະຫານ​ທີ່​ຜູ່​ລັກ​ພາ​ຕົວ​ສະ​ເໜີ​ອອກ​ມາ.