|
ນາຍົກລັດຖະມົນຕີອິນເດຍໂທລະສັບລົມກັບນາຍົກລັດຖະມົນຕີເນປານສະແດງຄວາມໄວ້ອາໄລຕໍ່ຕົວປະກັນເນປານຖືກທຳຮ້າຍ
cri
Author: mo
ຕາມຂ່າວCRI: ຕອນຄ່ຳວັນທີ 1 ກັນຍາ, ທ່ານມານໂມຮານ ຊີງ ນາຍົກລັດຖະມົນຕີອິນເດຍໂທລະສັບລົມກັບທ່ານເດອູບາ ນາຍົກລັດຖະມົນຕີເນປານ, ສະແດງຄວາມໄວ້ອາໄລຕໍ່ຕົວປະກັນເນປານ 12 ຄົນຖືກທຳຮ້າຍຢູ່ອີຣັກ.
ສື່ມວນຊົນອິນເດຍໄດ້ອ້າງຕາມຄຳເວົ້າຂອງນາຍົກລັດຖະມົນຕີຊິງວ່າ, ໃນເວລາອັນໂສກເສົ້ານີ້, ລັດຖະບານອິນເດຍຈະໃຫ້ການສະໜັບສະໜູນທັງໝົດເທ່ົາທີ່ຈະໃຫ້ໄດ້ແກ່ເນປານ.
ວັນທີ 1 ກັນຍາ, ລັດຖະບານເນປານອອກຖະແຫລງການ, ປະກາດວ່າ, ຈະຫ້າມສັນຈອນໃນຍາມກາງຄືນຢູ່ເຂດສ່ວນໜຶ່ງຂອງນະຄອນຫລວງກັດມັນດູແຕ່ 2 ໂມງແລງຂອງວັນທີ 1 ກັນຍາ. ພ້ອມກັນນັ້ນ, ຖະແຫລງການປະກາດວ່າ, ວັນທີ 2 ກັນຍາແມ່ນວັນໄວ້ອາໄລຂອງທ່ົວປະເທດ, ອົງການລັດຖະບານແລະໂຮງຮຽນເປັນຕົ້ນປິດຊົ່ວຄາວ, ທົ່ວປະເທດຊັກທຸງລົງເຄິ່ງເສົາສະແດງຄວາມໄວ້ອາໄລ. ຕອນຄ່ຳວັນທີ 1 ກັນຍາ, ສົມເດັດເຈຍເນນດຼາ ເຈົ້າຊີວິດເນປານກໍອອກຖະແຫລງການ, ຮຽກຮ້ອງໃຫ້ພົນລະເມືອງເນປານຮັກສາຄວາມສາມັກຄີກັນ.
|
|
